scorecardresearch

Premium

Team India: रोहित-विराट टी-२० मध्ये पुनरागमन करणार? पुढील आठवड्यात आफ्रिका दौऱ्यासाठी टीम इंडियाची होणार घोषणा

Team India on T20: २०२३ या वर्षात दक्षिण आफ्रिकेविरुद्धची मालिका हा भारतीय क्रिकेट संघाचा शेवटचा परदेश दौरा आहे. या दौऱ्यातील टी-२० मालिकेत विराट कोहली आणि रोहित शर्मा यांचा समावेश होणार का? हे पाहणे उत्सुकतेचे ठरणार आहे.

Will Rohit-Virat makes a comeback in T20 Team India may be announced for Africa tour next week
रोहित-विराट टी-२० मध्ये पुनरागमन करणार का? यावर बीसीसीआय निर्णय घेणार आहे. सौजन्य- (ट्वीटर)

Team India on T20 series against South Africa: दक्षिण आफ्रिका हा २०२३ या वर्षातील भारतीय क्रिकेट संघाचा शेवटचा परदेशी दौरा असेल. जिथे टीम इंडियाला टी-२० मालिकेसह एकदिवसीय आणि कसोटी मालिका देखील खेळायची आहे. पुढील आठवड्यात या दौऱ्यातील टी-२० आणि एकदिवसीय मालिकेसाठी टीम इंडियाची घोषणा केली जाणार आहे. निवड समिती अध्यक्ष अजित आगरकर यांच्या नेतृत्वाखालील बीसीसीआयच्या निवड समितीला १० डिसेंबरला होणाऱ्या टी-२० मालिकेपूर्वी आणि नंतर दोन मोठे निर्णय घ्यायचे आहेत. जे विराट कोहली आणि रोहित शर्माच्या टी-२० पुनरागमनाबाबत असणार आहे.

इनसाइड स्पोर्ट्सच्या माहितीनुसार, “आफ्रिकेविरुद्धच्या एकदिवसीय आणि टी-२० आंतरराष्ट्रीय मालिकेसाठी संघांची घोषणा एकाच वेळी केली जाईल. मात्र, भारत अ मालिकेपर्यंत कसोटी संघाची घोषणा रोखण्यात येणार आहे. रोहित शर्मा आणि विराट कोहली दोघेही २६ डिसेंबरपासून सुरू होणाऱ्या दोन सामन्यांच्या कसोटी मालिकेसाठी परतणार आहेत. दक्षिण आफ्रिका दौऱ्यासाठी इंडिया ‘अ’ संघातील काही खेळाडूंबाबतही निर्णय निवडकर्ते घेतील.

Umpire stops Australia Wicket celebrations no appeal For run out Rule For Not Out AUS vs WI T20I Highlights Second Win After IND vs AUS
ऑस्ट्रेलियाचं सेलिब्रेशन पंचांनी थांबवलं; बाद असूनही ‘त्याला’ घोषित केलं नाबाद, क्रिकेटचा हा नियम काय सांगतो?
Irfan Pathan Reply to Pakistan
U19 World Cup Final : भारताच्या पराभवानंतर इरफान पठाण पाकिस्तानवर का भडकला?
Nasir Hussain opinion on India England second test match sport news
बुमराची जादूई कामगिरी दोन संघांतील फरक! भारत-इंग्लंड दुसऱ्या कसोटी सामन्याबाबत नासिर हुसेनचे मत
U19 World Cup Semi Final 2024 IND vs SA Match Updates in marathi
U19 World Cup 2024 : भारत-दक्षिण आफ्रिका यांच्यातील उपांत्य फेरीचा सामना कधी आणि कुठे पाहता येणार? जाणून घ्या

हेही वाचा: Hasan Ali: “मला आयपीएल…”, पाकिस्तानी वेगवान गोलंदाज हसन अलीचे मोठे विधान

बीसीसीआयच्या एका वरिष्ठ अधिकाऱ्याने इनसाइड स्पोर्टला सांगितले की, “संघ निवडीबाबत सोमवारी चर्चा करण्यात येईल. या चर्चेदरम्यान अनेक गोष्टी आहेत पण कसोटीपूर्वी आम्ही टी-२० आणि एकदिवसीय खेळणार आहोत, त्यामुळे संघ निवड ही त्याच्या आसपास करण्यात येईल. त्यात रोहित शर्मा आणि विराट कोहली यांच्या टी-२० मधील निवडीबाबतही चर्चा केली जाणार आहे.”

रोहित-विराट टी-२० मध्ये पुनरागमन करणार का?

टी-२० आणि एकदिवसीय सामन्यांवर लक्ष केंद्रित केल्यास दक्षिण आफ्रिका दौऱ्यासाठी विराट कोहली आणि रोहित शर्मा यांना दीर्घ विश्रांती मिळू शकते. अशावेळी दोघेही कसोटी मालिकेसाठीच संघात सामील होतील. विराट आणि रोहित हे दोघेही गेल्या वर्षीच्या टी-२० विश्वचषकापासून एकही टी-२० सामना खेळलेले नाहीत. ते दोघेही टी-२० संघाबाहेर आहेत कारण त्यांनी सर्व लक्ष वन डेकडे वळवले होते. मात्र, हे चालूच राहण्याची शक्यता आहे कारण जूनमध्ये होणाऱ्या टी-२० विश्वचषकापूर्वी निवड समितीकडे फक्त सहा टी-२० सामने शिल्लक आहेत.

हेही वाचा: IND vs AUS: सूर्यकुमार यादवला इतिहास रचण्याची संधी, ६० धावा करताच त्याच्या नावावर होणार ‘या’ विक्रमाची नोंद

दरम्यान, अजित आगरकर विराट-रोहितबरोबर बसून त्यांच्या टी-२० भवितव्याबाबत निर्णय घेतील. जरी दोघेही कसोटीत खेळणार हे निश्‍चित असले तरी रोहित शर्मा वन डे खेळणे सुरू ठेवणार की नाही यावर प्रश्नचिन्ह कायम आहे. आयसीसी चॅम्पियन्स ट्रॉफी २०२५ वर लक्ष केंद्रित करताना विराट कोहली वनडे मध्ये राहू शकतो पण तरीही हा चर्चेचा विषय आहे.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rohit virat will make a comeback in t20 team india for africa tour will be announced next week avw

First published on: 28-11-2023 at 18:47 IST

संबंधित बातम्या

तुम्ही या बातम्या वाचल्या आहेत का? ×