Video: ऋषभ पंत आणि उर्वशी रौतेला यांच्या नात्याबद्दल शुबमन गिलने केला महत्वाचा खुलासा; म्हणाला,’ऋषभ ….!’

भारत आणि न्यूझीलंड यांच्यातील तीन सामन्यांच्या टी-२० मालिकेतील दुसरा टी-२० सामना आज होणार आहे. या सामन्यातही पावसाचा व्यत्यय येण्याची शक्यता आहे. तीन सामन्यांच्या मालिकेतील पहिला सामनाही पावसामुळे रद्द करण्यात आला होता.

चॅट शो दिल दियां गलांदरम्यान शुबमन गिलला विचारण्यात आले होते, उर्वशी रौतेलाच्या नावाने ऋषभ पंतला खूप चिडवले जाते. संघातील सहकारीही असेच करतात का? यावर गिल म्हणाला की, तिचा ऋषभ पंतशी काहीही संबंध नाही. ती स्वतः काही ना काही करून चर्चेत असते. शुबमन गिलला पुढे विचारण्यात आले की, ऋषभ पंतला या सगळ्याचा फटका बसला आहे का? यावर शुभमन गिल म्हणाला- नाही, त्याला अजिबात पर्वा नाही. कारण पंतला माहीत आहे की असे काही नाही.

मुलाखतीपासून सुरू झाला होता वाद –

उर्वशी रौतेला आणि यष्टीरक्षक फलंदाज ऋषभ पंत यांच्यातील भांडण एका मुलाखतीवरून सुरू झाल्याची माहिती आहे. उर्वशीने दावा केला होता की, एक व्यक्ती, ज्याला ती मिस्टर आरपी म्हणते, तो तिला भेटण्यासाठी अनेक वेळा फोन करत असे. त्याचे तिच्यावर प्रेम होते. आयपीएल संघ दिल्ली कॅपिटल्सचा कर्णधार पंतने नंतर या विधानावर जोरदार टीका केली आणि उर्वशीला बहिणा म्हणत असे विधान करू नये असे सांगितले. लोक प्रसिद्धीसाठी काहीही करतात, असा तो म्हणाला होता. यावर उर्वशीने युवा भारतीय क्रिकेटरला छोटू भैया म्हणाली होती.