scorecardresearch

Premium

Ajay Jadeja: “इथे रिजेक्शन आहे, सिलेक्शन…”, भारतीय क्रिकेट निवड समितीच्या कारभारावर अजय जडेजा भडकला

Ajay Jadeja on Indian Cricket System: मोठ्या स्पर्धांमध्ये भारतीय संघाच्या सततच्या अपयशामुळे खेळाडूंबरोबरच संघ व्यवस्थापन आणि बीसीसीआयलाही टीकेला सामोरे जावे लागत आहे. या यादीत आता अजय जडेजानाही बीसीसीआय निवड समितीच्या कार्यपद्धतीवर टीका केली आहे.

Here there is rejection not selection Ajay Jadeja's sharp words on the system of Indian cricket not given chance to Ishan Kishan
अजय जडेजाने बीसीसीआय निवड समितीच्या कार्यपद्धतीवर टीका केली आहे. सौजन्य- (ट्वीटर)

Ajay Jadeja on Indian Cricket System: भारताच्या युवा संघाने अलीकडेच पाच सामन्यांच्या टी-२० मालिकेत ऑस्ट्रेलियाचा ४-१ने पराभव केला. या विजयाने चाहते कमालीचे आनंदित असतानाच माजी क्रिकेटपटू अजय जडेजाने भारतीय क्रिकेटमधील संघातील खेळाडूंची निवड आणि संघातून वगळण्याच्या बीसीसीआयच्या धोरणांवर जोरदार टीका केली. ऑस्ट्रेलियाविरुद्धच्या मालिकेत तीन टी-२० सामन्यांनंतर इशान किशनचे नाव प्लेइंग-११ मधून गायब असल्याचे पाहून जडेजाला आश्चर्य वाटले.

इशानने तीन सामन्यांत दोन अर्धशतके झळकावली

वास्तविक, इशानने ऑस्ट्रेलियाविरुद्धच्या टी-२० मालिकेतील तीन सामन्यांमध्ये ३६.६७च्या सरासरीने आणि १४४.७४च्या स्ट्राइक रेटने ११० धावा केल्या होत्या. यामध्ये दोन अर्धशतकांचा समावेश आहे. इशानने पहिल्या दोन सामन्यात अर्धशतके झळकावली होती. मात्र, तिसऱ्या सामन्यात खराब फलंदाजी आणि यष्टिरक्षणानंतर संघ व्यवस्थापनाने त्याला प्लेइंग-११ मधून वगळले. गेल्या दोन सामन्यांमध्ये त्याच्या जागी जितेश शर्मा खेळला. नॅशनल क्रिकेट अकादमीचे संचालक व्हीव्हीएस लक्ष्मण यांना ऑस्ट्रेलियाविरुद्धच्या टी-२० मालिकेसाठी प्रशिक्षकाची भूमिका देण्यात आली होती.

Hanuma Vihari Leaving AP Cricket Association Politics Leaving Captaincy
Hanuma Vihari : खळबळजनक! भारतीय क्रिकेटपटूला नेत्याच्या मुलावर ओरडणं पडलं महागात, द्यावा लागला राजीनामा
IPL 2024 and Loksabha Election 2024
IPL 2024 : लोकसभेच्या निवडणुकांमुळे आयपीएलचं अर्धच वेळापत्रक जाहीर, उर्वरित सामने कधी होणार?
bcci likely to take strict action against ishan kishan avoid to play first class cricket
किशनच्या वर्तणुकीमुळे ‘बीसीसीआय’ला जाग! ‘आयपीएल’ सहभागासाठी रणजी खेळणे अनिवार्य करण्याची शक्यता
Shahrukh Khan Qatar PM
“मोदींनी नव्हे, कतारमधील भारतीयांना शाहरुखने सोडवलं”, भाजपा नेत्याचा दावा; किंग खानच्या कार्यालयाने केला खुलासा

हेही वाचा: Warner vs Johnson: जॉन्सनच्या वॉर्नरवरील टीकेला ऑस्ट्रेलियन निवड समितीने दिले प्रत्युत्तर; म्हणाले, “कोणाची पात्रता किती…”

अजय जडेजा बीसीसीआय आणि संघ व्यवस्थापनावर संताप व्यक्त केला

इशान किशनला विश्वचषकात फक्त दोन सामन्यात खेळवले होते. तसेच, ऑस्ट्रेलियाविरुद्धच्या दोन सामन्यानंतर इशानला बाकावर बसवल्यामुळे केल्यामुळे, अजय जडेजा प्रचंड संतापला होता. इशानला आयसीसी विश्वचषक स्पर्धेत केवळ दोन सामने खेळण्याची संधी मिळाली. जडेजा म्हणाला, “भारतीय क्रिकेटमध्ये बाहेर बसवणे खूप सोपे आहे. निवडीचा फारसा विचार कोणी करत नाही. इथे रिजेक्शन आहे, सिलेक्शन नाही आणि हे अनेक दशकांपासून सुरु आहे. आम्ही नुकतीच पाच सामन्यांची टी-२० मालिका खेळली. इशान किशनला केवळ तीन सामने मिळाले. मला तो खेळाडू आवडतो कारण, तो एकदिवसीय सामन्यांमध्ये भारतासाठी द्विशतक झळकावणाऱ्या मोजक्या खेळाडूंपैकी एक आहे.”

जडेजाने संघ व्यवस्थापनाला प्रश्न विचारले

जडेजा पुढे म्हणाला, “मानसिक आणि शारीरिक थकव्यामुळे त्याला परत पाठवले होते? तीन सामने खेळून तो खरोखरच इतका थकला होता का की, त्याला विश्रांती देण्यात आली? हा खूप मोठा चर्चेचा विषय आहे. गेल्या दोन वर्षांपासून भारतीय संघ व्यवस्थापन त्याची ट्रायल घेण्यात व्यस्त आहे. तुम्ही त्याची सतत परीक्षा घेत राहिल्यास तो संघाचा भाग कसा बनवणार? इशानने गेल्या दोन वर्षात किती सामने खेळले आहेत? टीम इंडियाची ही समस्या आजची नाही, खूप जुनी आहे. आम्ही खेळाडूंची योग्य निवड करत नाही पण त्यांना सहज बाहेर काढतो. यामुळेच मोठ्या स्पर्धांमध्ये संघाचे नुकसान होते.”

हेही वाचा: भारताविरुद्धची मालिका बॅझबॉलची खरी कसोटी! इंग्लंडचा मुख्य प्रशिक्षक ब्रेंडन मॅककलमचे मत

इशानने ५८ आणि ५२ धावांची खेळी खेळली

ऑस्ट्रेलियाविरुद्धच्या मालिकेत इशान किशन तिसऱ्या क्रमांकावर फलंदाजी करत होता. यशस्वी जैस्वाल आणि ऋतुराज गायकवाड यांच्यावर सलामीची जबाबदारी देण्यात आली. इशानला वगळून संघ व्यवस्थापनाने तिसऱ्या क्रमांकावर असलेल्या श्रेयस अय्यरला संधी दिली. किशनला तिसऱ्या टी-२०मध्ये खातेही उघडता आले नाही. किशनने याआधी विशाखापट्टणममध्ये ३९ चेंडूत ५८ धावांची दमदार खेळी करत मालिकेची सुरुवात केली होती. यानंतर त्याने तिरुअनंतपुरममधील दुसऱ्या टी-२० सामन्यात ३२ चेंडूत ५२ धावांची शानदार खेळी केली. अजय जडेजा म्हणाला, “इशान किशनला ऑस्ट्रेलियाविरुद्ध पाच सामन्यांची संपूर्ण टी-२० मालिका खेळायला मिळाली नाही. हे असेच चालू राहिल्यास, तो पूर्णपणे तयार असल्याची खात्री तुम्ही कशी कराल?” असा प्रश्न विचारात संताप व्यक्त केला.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: The problem of indian cricket is that they never give full chance ajay jadeja angry over the exclusion of ishan kishan from team india avw

First published on: 05-12-2023 at 12:37 IST

संबंधित बातम्या

तुम्ही या बातम्या वाचल्या आहेत का? ×