Smriti Irani : विराट-रोहित नव्हे तर ‘हा’ खेळाडू स्मृती इराणी यांचा आवडता क्रिकेटर, खुद्द केंद्रीय मंत्र्यांनी केला खुलासा

स्मृती इराणी यांनी इन्स्टाग्रामवर एका प्रश्नोत्तराच्या सत्रात आवडत्या क्रिकेटपटूबद्दल कोण असल्याचे सांगितले. एमएस धोनीचे भारतीय क्रिकेटमध्ये मोठे योगदान आहे. त्याने टीम इंडियासाठी ३ आयसीसी विजेतेपद पटकावले आहेत. यामध्ये २००७ टी-२० विश्वचषक, २०११चा एकदिवसीय विश्वचषक आणि २०१३ चॅम्पियन्स ट्रॉफीचा समावेश आहे.

चेन्नई सुपर किंग्जला पाचवेळा आयपीएल ट्रॉफी मिळवून दिली –

टीम इंडियाशिवाय महेंद्रसिंग धोनीने आयपीएलमध्ये चेन्नई सुपर किंग्जला ५ वेळा जिंकले आहे. तो मुंबई इंडियन्सचा कर्णधार रोहित शर्मासह आयपीएल इतिहासातील सर्वात यशस्वी कर्णधार आहे. २०२३ च्या शेवटच्या हंगामात, धोनीच्या नेतृत्वाखालील सीएसकेने अंतिम फेरीत गुजरात टायटन्सचा पराभव केला.

हेही वाचा – मुंबई इंडियन्सच्या ‘या’ खेळाडूचे उघडले नशीब, पहिल्यांदाच वनडे आणि टी-२० संघात मिळाले स्थान

महेंद्रसिंग धोनीची क्रिकेट कारकीर्द –

महेंद्रसिंग धोनीची क्रिकेट कारकीर्द अतिशय नेत्रदीपक राहिली आहे. त्याने २००४ मध्ये बांगलादेशविरुद्ध एकदिवसीय क्रिकेटमध्ये पदार्पण केले. ४२ वर्षीय धोनीने २०१९ मध्ये टीम इंडियासाठी आंतरराष्ट्रीय क्रिकेटला अलविदा केला होता. त्याने ९० कसोटीत ४८७६ धावा केल्या आहेत. धोनीच्या नावावर ३५० वनडेमध्ये १०७७३ धावा आहेत. त्याचबरोबर धोनीने ९८ टी-२० सामन्यात १६१७ धावा केल्या आहेत.

हेही वाचा – IND vs WI: मालिका गमावल्याने माजी खेळाडूने भारताच्या बॅटिंग ऑर्डरवर उपस्थित केला सवाल; विचारले, संजूला पाचव्या क्रमांकावर का पाठवले?

महेंद्रसिग धोनीने झळकावली एकूण १६ शतके –

महेंद्रसिंग धोनीने त्याच्या आंतरराष्ट्रीय क्रिकेट कारकिर्दीत कसोटी आणि एकदिवसीय सामन्यांमध्ये एकूण १६ शतके आणि १०६ अर्धशतके झळकावली आहेत. त्याने कसोटीत ६ शतके आणि एकदिवसीय सामन्यात ७३ अर्धशतके केली आहेत.