scorecardresearch

Premium

IND vs AUS: टीम इंडियाच्या मालिका विजयात पाऊस घालणार खोडा? जाणून घ्या गुवाहाटीतील हवामान आणि खेळपट्टीचा अंदाज

IND vs AUS 3rd T20: भारत आणि ऑस्ट्रेलिया यांच्यातील तिसरा टी-२० सामना गुवाहाटी येथील बारसापारा क्रिकेट स्टेडियमवर खेळवला जाणार आहे. आजच्या सामन्यात पावसाची शक्यता वर्तवण्यात आली आहे. काय आहे या मैदानाचा टी-२० आकडेवारी? जाणून घ्या.

Shadow of rain on the third T20 between India and Australia the weather condition may be like this at the time of the match
भारत आणि ऑस्ट्रेलिया यांच्यातील सामन्यात पावसाची शक्यता वर्तवण्यात आली आहे. सौजन्य- (ट्वीटर)

India vs Australia 3rd T20: भारत आणि ऑस्ट्रेलिया यांच्यातील पाच सामन्यांच्या टी-२० मालिकेतील तिसरा सामना मंगळवारी (२८ नोव्हेंबर) होणार आहे. दोन्ही संघ गुवाहाटी येथील बारसापारा क्रिकेट स्टेडियमवर दोन हात करणार आहेत. दोन सामने जिंकून टीम इंडिया मालिकेत २-०ने आघाडीवर आहे. तिसरा सामना जिंकून मालिकेत अजेय आघाडी घेण्यावर सूर्यकुमार यादव अँड कंपनीची नजर असेल. सूर्यकुमार यादवच्या नेतृत्वाखाली संघाने आतापर्यंत चमकदार कामगिरी केली असून त्यांची नजर कांगारूंना पुन्हा एकदा पराभूत करण्यावर आहे.

Accuweather नुसार, २८ नोव्हेंबर रोजी गुवाहाटीमध्ये दिवसा ढगाळ हवामान राहण्याची अपेक्षा आहे. आकाश ढगांनी झाकले जाण्याची शक्यता आहे. संध्याकाळी रिमझिम पावसाच्या सरी कोसळतील असा अंदाज वर्तवण्यात आला आहे. भारतीय वेळेनुसार संध्याकाळी ७.०० वाजता खेळ सुरू होईल. त्यावेळी कमाल तापमान २१ अंश सेल्सिअस राहण्याची अपेक्षा आहे आणि खेळ संपल्यानंतर भारतीय वेळेनुसार रात्री १०:३०च्या सुमारास तापमान १९ अंश सेल्सिअसपर्यंत घसरेल. अशा परिस्थितीत प्रेक्षकांना आणखी एक रोमांचक सामना पाहता येणार आहे.

England vs India match preview,
मायदेशातील वर्चस्व राखण्याची संधी! फिरकीला अनुकूल खेळपट्टीवर भारत इंग्लंड चौथी कसोटी आजपासून
Umpire stops Australia Wicket celebrations no appeal For run out Rule For Not Out AUS vs WI T20I Highlights Second Win After IND vs AUS
ऑस्ट्रेलियाचं सेलिब्रेशन पंचांनी थांबवलं; बाद असूनही ‘त्याला’ घोषित केलं नाबाद, क्रिकेटचा हा नियम काय सांगतो?
Rohit Sharma and Ajit Agarkar Video Viral
IND v ENG : भर सामन्यात अजित आगरकरांची मैदानात एन्ट्री! रोहित शर्माशी चर्चा करतानाचा VIDEO होतोय व्हायरल
India vs Pakistan T20 World Cup 2024
T20 World Cup 2024 : भारत वि. पाकिस्तान टी-२० सामन्याच्या तिकिटाची किंमत किती? तिकीटे कशी मिळणार?

फलंदाजांना खेळपट्टीची मदत मिळेल

गुवाहाटीची खेळपट्टी फलंदाजांना मदत करेल अशी अपेक्षा आहे. अशा स्थितीत या सामन्यातही धावांचा पाऊस पडू शकतो. या मैदानावर अनेक चौकार आणि षटकार मारले जातात. भारत आणि दक्षिण आफ्रिका यांच्यातील शेवटच्या टी-२० मध्ये येथे ४०० हून अधिक धावा झाल्या. चाहत्यांना आणखी एक रोमहर्षक सामना पाहायला मिळू शकतो.

हेही वाचा: IND vs AUS: सर्वाधिक टी-२० जिंकण्याच्या बाबतीत भारत पाकिस्तानचा अनोखा विक्रम मोडणार का? जाणून घ्या

गुवाहाटीमध्ये टीम इंडियाचा रेकॉर्ड काय आहे?

भारतीय संघाने या मैदानावर आतापर्यंत तीन टी-२० सामने खेळले आहेत. २०१७ मध्ये ऑस्ट्रेलियाविरुद्ध येथे पराभवाला सामोरे जावे लागले होते. टीम इंडियाला सहा वर्षांनंतर बदला घ्यायला आवडेल. २०२२ मध्ये भारताने दक्षिण आफ्रिकेविरुद्ध १६ धावांनी विजय मिळवला होता. २०२० मध्ये श्रीलंकेविरुद्ध एक सामना खेळवला जाणार होता, परंतु नाणेफेक झाल्यानंतर पावसामुळे हा सामना होऊ शकला नाही.

बारसापारा स्टेडियममधील टी-२० सामन्याची आकडेवारी

बारसापारा क्रिकेट स्टेडियम २०१२ मध्ये बांधण्यात आले होते, येथे ४० हजार प्रेक्षकांची आसन व्यवस्था आहे. भारत आणि ऑस्ट्रेलिया यांच्यात येथे पहिला आंतरराष्ट्रीय टी-२० सामना झाला. आत्तापर्यंत येथे ३ आंतरराष्ट्रीय टी-२० सामने झाले आहेत, त्यापैकी एक अनिर्णित होता.

हेही वाचा: IPL 2024: आयपीएल २०२४च्या हंगामात कोण असेल मुंबई इंडियन्सचा कर्णधार, रोहित शर्मा की हार्दिक पंड्या?

दोन्ही संघ पुढीलप्रमाणे आहेत

भारत: यशस्वी जैस्वाल, ऋतुराज गायकवाड, इशान किशन (यष्टीरक्षक), सूर्यकुमार यादव (कर्णधार), रिंकू सिंग, तिलक वर्मा, अक्षर पटेल, रवी बिश्नोई, अर्शदीप सिंग, मुकेश कुमार, प्रसिध कृष्णा, आवेश खान, जितेश शर्मा, वॉशिंग्टन सुंदर, शिवम दुबे.

ऑस्ट्रेलिया: स्टीव्ह स्मिथ, मॅथ्यू शॉर्ट, जोश इंग्लिश, ग्लेन मॅक्सवेल, मार्कस स्टॉयनिस, टिम डेव्हिड, मॅथ्यू वेड (यष्टीरक्षक/कर्णधार), शॉन अ‍ॅबॉट, नॅथन एलिस, अ‍ॅडम झम्पा, तन्वीर संघा, केन रिचर्डसन, जेसन बेहरनडॉर्फ, ट्रॅव्हिस हेड, अ‍ॅरॉन हार्डी.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Will rain interrupt in india vs australia todays match know weather and pitch in guwahati avw

First published on: 28-11-2023 at 14:10 IST

संबंधित बातम्या

तुम्ही या बातम्या वाचल्या आहेत का? ×