Yuvraj Singh and Hazel Keech purchased a new luxurious home : टीम इंडियाचा माजी फलंदाज युवराज सिंग आणि पत्नी हेजल कीच यांनी मायानगरीमध्ये त्यांचे नवीन घर विकत घेतले आहे. युवीचा हा आलिशान फ्लॅट त्याच इमारतीत आहे, ज्यामध्ये विराट कोहली-अनुष्का शर्मा यांचाही फ्लॅट आहे. युवराजच्या या नवीन फ्लॅटची किंमत ६४ कोटी रुपये आहे. युवीच्या या फ्लॅटमध्ये अनेक सुविधा आहेत आणि तो १६ हजार स्क्वेअर फूटमध्ये पसरलेला आहे.
युवराज सिंगने घेतले नवीन घर –
युवराज सिंग आणि त्याची पत्नी हेजल कीच यांनी मुंबईत नवीन घर घेतले आहे. ज्या इमारतीत विराट कोहली आणि अनुष्का शर्माचा फ्लॅट आहे त्याच इमारतीत युवीने फ्लॅट घेतला आहे. युवीचा फ्लॅट २९व्या मजल्यावर आहे, तर कोहली या इमारतीच्या ३५व्या मजल्यावर राहतो. युवराज आणि हेजलच्या नवीन फ्लॅटची लिव्हिंग रूम सुंदर पेंटिंग्जने सजलेली आहे. युवीच्या बाल्कनीतून मुंबई शहराचे सर्वोत्कृष्ट दृश्य पाहता येते, जे हृदय आणि मन दोन्ही ताजेतवाने करू शकते. युवी आणि हेजलला खेळांची खूप आवड आहे आणि त्यांच्या इमारतीत एक वेगळा गेम झोन आहे.
युवराजच्या फ्लॅटची किंमत विराटच्या फ्लॅटपेक्षा दुप्पट –
युवराज आणि हेजलच्या नवीन फ्लॅटची बेडरूम पाहण्यासारखी आहे. बेडरूममध्ये चमकदार मार्बलचा वापर करण्यात आला आहे. भिंतींना पांढऱ्या रंगात रंगवण्यात आले असून अप्रतिम रचना करण्यात आल्या आहेत. युवराजच्या फ्लॅटची किंमत ६४ कोटी रुपये आहे, जी विराट कोहलीच्या फ्लॅटच्या जवळपास दुप्पट आहे. एकाच इमारतीत असूनही कोहलीच्या फ्लॅटची किंमत ३४ कोटी रुपये आहे.
हेही वाचा – MUM vs ROI : इराणी चषकात अभिमन्यू ईश्वरनचे हुकले द्विशतक, मग असा काढला राग, पाहा VIDEO
इतर कोणकोणत्या ठिकाणी युवराजची घरे आहेत?
केवळ मुंबईतच नाही तर युवराज सिंगची अनेक ठिकाणी आलिशान घरे आहेत. युवीची गुरुग्राममध्येही खास मालमत्ता आहे, जी डीएलएफ सिटीमध्ये आहे. इथेही युवराज विराट कोहलीचा शेजारी आहे. टीम इंडियाच्या स्टार फलंदाजाचे दिल्लीतील छतरपूरमध्ये फाइव्ह बीएचके पेंटहाऊसही आहे. याशिवाय युवराजचा पंचकुलामध्ये एक उत्कृष्ट बंगलाही आहे. लग्नाच्या वेळी युवीच्या या घरात डोली समारंभही आयोजित करण्यात आला होता.
