दुधात भिजवलेले मनुके खाल्याने पुरुषांची प्रजनन क्षमता सुधारते का? वाचा, तज्ज्ञ काय सांगतात….

कोमट दुधात भिजवलेल्या मनुका खाल्ल्याने पुरुषांची प्रजनन क्षमता सुधारते का? (Does eating raisins soaked in warm milk improve male fertility?)

इम्युनोसायन्स सप्लिमेंट्स’च्या व्यवस्थापकीय संचालक, हेल्थ स्ट्रॅटेजिस्ट व वेलनेस कोच डॉ. दीपिका कृष्णा यांनी दी इंडियन एक्स्प्रेसला माहिती देताना सांगितले, “होय, दुधात भिजवलेले मनुके शुक्राणूंची संख्या वाढविण्यास आणि पुरुष प्रजनन क्षमता सुधारण्यास मदत करू शकतात. मनुका हे अँटिऑक्सिडंट्स, जीवनसत्त्वे आणि झिंक व सेलेनियम यांसारख्या खनिजांनी समृद्ध असतात; जे शुक्राणूंचे उत्पादन आणि त्यांची हालचाल करण्याची क्षमता (motility) यांसाठी आवश्यक असतात.”

डॉ. कृष्णा यांच्या मते, “दुधात प्रथिने आणि कॅल्शियम असते, जे संपूर्ण आरोग्य आणि संप्रेरक संतुलनास समर्थन देते. दूध आणि मनुका एकत्र केल्यावर पोषक घटकांचे शोषण वाढते आणि रक्ताभिसरण प्रक्रिया सुधारू शकते. हे घटक चांगल्या पुनरुत्पादक (प्रजनन प्रणाली आणि तिच्या कार्ये आणि प्रक्रिया) आरोग्यासाठी योगदान देतात.”

हेही वाचा – पावसात भिजल्यानंतर तुमच्या शरीरावर काय परिणाम होतो? तज्ज्ञांनी केला खुलासा

“ दूध आणि मनुका हे मिश्रण तुमच्या आहारात समाविष्ट करण्यासाठी मूठभर मनुके एक ग्लास कोमट दुधात रात्रभर भिजत ठेवा आणि सकाळी रिकाम्या पोटी हे मिश्रण खा. आठवड्यातून दोन-तीन वेळा ते तुमच्या नियमित आहाराचा भाग बनवा. पण, याबाबत सातत्य ही मुख्य गोष्ट आहे आणि त्यामुळे संभाव्य फायदे मिळविण्यासाठी अनेक महिने नियमितपणे त्यांचे सेवन आवश्यक असू शकते”, असे डायट एक्सपर्ट्सचे संस्थापक व आहारतज्ज्ञ सिमरत कथुरिया यांनी सांगितले.

हेही वाचा – तुमच्या डोकेदुखीचे कारण तुम्हाला माहिती आहे का? या लक्षणांवरून ओळखा, तज्ज्ञांनी केला खुलासा

सर्व पुरुषांनी दूध आणि मनुका सेवन करणे सुरक्षित आहे का? (Is milk and raisins safe for all men?)

कथुरिया आणि कृष्णा या दोघांनीही मान्य केले, “लॅक्टोज इंटॉलरन्स किंवा दुग्धजन्य पदार्थांची अॅलर्जी असलेल्या व्यक्तींनी दूध आणि मनुका खाणे टाळावे किंवा लॅक्टोज नसलेल्या दुधाचा पर्याय निवडावा.”

तज्ज्ञांच्या मते, “फायबरचे प्रमाण जास्त असल्याने जास्त प्रमाणात मनुका खाल्ल्याने पोट फुगणे किंवा जुलाब यांसारख्या पाचक समस्या उद्भवू शकतात. मधुमेह असलेल्या लोकांनीदेखील सावधगिरी बाळगली पाहिजे. कारण- मनुक्यांमध्ये नैसर्गिक शर्करा जास्त असते आणि त्याचा रक्तातील साखरेच्या पातळीवर परिणाम होऊ शकतो.”

“दुध आणि मनुका सेवनाचे फायदे मिळत असल्याचे समर्थन करणारे काही पुरावे असले तरी ते किती प्रभावी आहेत याची खात्री करण्यासाठी वैज्ञानिकदृष्ट्या अधिक संशोधन होणे आवश्यक आहे”, असे त्यांनी स्पष्ट केले.