हिवाळ्यात मुलांना सतत सर्दीचा त्रास होतोय का? ‘हे’ घरगुती उपाय नक्की ठरतील फायदेशीर

हळदीचे दूध
हळदीमध्ये अँटीसेप्टिक गुणधर्म आढळतात, त्यामुळे सर्दी खोकला अशा वायरल इन्फेक्शनवर हळद गुणकारी औषध मानले जाते. हिवाळ्यात मुलांना जर सर्दीचा सतत त्रास होत असेल तर त्यांना रोज रात्री झोपण्यापूर्वी गरम दुधात हळद टाकून देऊ शकता. हळद घस्याची खवखव आणि सर्दीपासून सुटका मिळवण्यास फायदेशीर ठरेल, तर दुधातील कॅल्शियममुळे मुलांची हाडे मजबुत होण्यास मदत होईल.

आणखी वाचा : चालत राहा! दररोज चालणे शरीरासाठी कसे फायदेशीर ठरते जाणून घ्या

शरीराला हायड्रेटेड ठेवणे
मुलांना सर्दी, खोकला असे व्हायरल इन्फेकशन होऊ नयेत यासाठी त्यांना हायड्रेटेड ठेवणे म्हणजेच त्यांच्या शरीरात पाण्याची पातळी योग्य असणे आवश्यक असते. पाण्यामुळे घशातील खोकल्याचे इन्फेकशन नष्ट होण्यास मदत होते. घशात होणारी खवखव, तसेच सर्दीचा त्रास यामुळे लहान मुलं पाणी पिण्याचा कंटाळा करतात. अशात पालकांनी मुलं योग्य प्रमाणात पाण्याचे सेवन करत आहेत ना याची काळजी घ्यावी.

मध
घशात होणारी खवखव, यामुळे घसा दुखणे यांवर मध हे गुणकारी औषध मानले जाते. जर मुलांना हिवाळ्यातील बदलत्या वातावरणामुळे सतत घशात खवखव होत असेल तर त्यांना दिवसातून दोन ते तीन वेळा मध द्यावे. जर मुलांचे वय ५ वर्षांपेक्षा अधिक असेल तर त्यात दालचिनी पावडर देखील टाकता येईल.

आणखी वाचा : पायांच्या स्नायूंमध्ये सतत वेदना जाणवतात का? ‘हे’ सोपे उपाय करून पाहा लगेच जाणवेल फरक

गरम पाण्याची वाफ घेणे
सर्दीमध्ये लहान मुलांना श्वास घ्यायला त्रास होऊ शकतो. यासाठी त्यांना गरम पाण्याची वाफ द्या. वाफ घेतल्याने सर्दीमुळे बंद वाटणाऱ्या नाकपुड्या उघडण्यास मदत होईल आणि श्वास घेताना येणाऱ्या अडचणीपासून सुटका मिळेल.