27 January 2021

News Flash

“दीड महिना वाया का घालवला? घटनापीठाची मागणी आधीच का नाही?”

खासदार संभाजीराजेंचा अशोक चव्हाण यांना सवाल

मराठा आरक्षणाच्या मुद्द्यावरुन खासदार संभाजीराजे हे चांगलेच संतापले आहेत. मराठा आरक्षणाची सुनावणी घटनापीठापुढे व्हावी असं सरकारला वाटत होतं तर दीड महिन्यापूर्वीच ही मागणी का केली नाही? दीड महिना वेळ वाया का घालवला असा संतप्त सवाल खासदार संभाजीराजेंनी विचारला आहे. यापुढे मराठा आरक्षण उपसमितीचे अध्यक्ष अशोक चव्हाण आणि मुख्यमंत्री उद्धव ठाकरे यांना मराठा आरक्षणाच्या मुद्द्यावरुन भेटणार नाही असंही संभाजीराजेंनी म्हटलं आहे. मराठा आरक्षणबाबतच्या सरकारच्या नियोजन शून्यतेवर संभाजीराजेंनी कडाडून टीका केली. टीव्ही ९ मराठीला दिलेल्या मुलाखतीत संभाजीराजेंनी हे वक्तव्य केलं आहे.

मराठा आरक्षणाची सुनावणी चार आठवडे पुढे ढकलण्यात आली आहे. यासाठी ठाकरे सरकार दोषी आहे. दीड महिन्यापूर्वी सरकारने कोर्टाला एक पत्र दिलं होतं. त्यामध्ये हा प्रश्न योग्य खंडपीठाकडे देण्याची राज्य सरकारने केली होती. तेव्हा घटनापीठाची मागणी केली नाही. आज मात्र चुकून हे प्रकरण खंडपीठाकडे आलं असून हे प्रकरण घटनापीठाकडे दिलं जावं असं राज्य सरकारने कोर्टाला सांगितलं. हे प्रकरण घटनापीठाकडेच दिलं जावं ही सगळ्यांचीच मागणी आहे पण दीड महिन्यापूर्वीच ही मागणी राज्य सरकारने का केली नाही? आज ही मागणी करुन राज्य सरकारने दीड महिना वाया घालवला असंही संभाजीराजेंनी म्हटलं आहे.

हे पण वाचा: वेळ आल्यास मराठा आरक्षणासाठी तलवारही काढेन- संभाजीराजे

सरकारकडे कोणतंही नियोजन नाही. मी गेल्या १५ दिवसांपासून जीव धोक्यात घालून फिरतो आहे. समाजातील तरुणांना संयमाचं आवाहन करतो आहे. पण इकडे सरकार कोणतंही नियोजन करताना दिसत नाही. सरकारकडे मराठा आरक्षणाबाबत ना कोणतं धोरण आहे ना नीती. फ्लोअर मॅनेजमेंटही नाही आणि सगळा खेळखंडोबा सुरु आहे असाही आरोप संभाजीराजेंनी केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 27, 2020 3:01 pm

Web Title: mp chatrapati sambhajiraje salms maharshtra government on maratha reservation issue scj 81
Next Stories
1 १० नोव्हेंबरपर्यंत MBBS ची प्रवेश प्रक्रिया सुरु होणार नाही : राज्य सरकार
2 घटनापीठापुढेच आम्हाला मराठा आरक्षणाचा मुद्दा मांडायचा आहे- अशोक चव्हाण
3 मराठा आरक्षणावरील सुनावणी चार आठवड्यांसाठी पुढे ढकलली
Just Now!
X