“आम्ही सभा उधळवून लावण्यात माहीर”, गुलाबराव पाटलांच्या वक्तव्याला अनिल परबांचं प्रत्युत्तर, म्हणाले…

अनिल परब म्हणाले की, १ मे रोजी महाविकास आघाडीची वज्रमूठ सभा मुंबईतील बीकेसी येथे होणार आहे. या सभेच्या पूर्वतयारीसीठी तिन्ही पक्षांचे वरिष्ठ नेते आणि पदाधिकाऱ्यांना बैठकीला बोलावलं होतं. सभेच्या नियोजासाठी राष्ट्रवादी काँग्रेसचे प्रदेशाध्यक्ष जयंत पाटील, आमदार आदित्य ठाकरे, भाई जगताप यांच्यासह अनेक नेते उपस्थित होते.

हे ही वाचा >> “तानाजी सावंतांना शिक्षणमंत्री करणार होतो, पण…”, ठाणे रुग्णालयाच्या भूमिपूजनावेळी एकनाथ शिंदेंचं वक्तव्य, म्हणाले…

यावेळी परब यांना विचारण्यात आलं , शिंदे गटाचे आमदार गुलाबराव पाटील म्हणतात की, सभा उधळवून लावण्यात आम्ही माहीर आहोत. उद्धव ठाकरेंच्या सभेबद्दल ते असं बोलले आहेत यावर काय प्रतिक्रिया द्याल. त्यावर परब म्हणाले, आम्ही सध्या सभा घेणारे आहोत, उधळवणारे नाही. सध्या आम्हाला सभा घ्यायची आहे, उधळवायची नाही. ज्यांना उधळवायची आहे त्यांनी यावं.