आरटीई प्रमाणपत्रासाठी ५ हजारांच्या लाचेची मागणी ; शिक्षण विभागातील वरिष्ठ सहायक ताब्यात!

औरंगाबादमधील वेदांतनगर पोलीस ठाण्यात गुन्हा दाखल

(संग्रहीत फोटो )

शिक्षणाचा हक्क कायद्यांतर्गत २५ टक्के शुल्कातील मिळणाऱ्या परताव्याच्या संदर्भाने आवश्यक प्रमाणपत्र देण्यासाठी ५ हजार रुपयांची मागणी करून रक्कम स्वीकारल्या प्रकरणी औरंगाबाद जिल्हा परिषदेच्या प्राथमिक शिक्षण विभागातील वरिष्ठ सहायकास लाचलुचपत प्रतिबंधक विभागाने बुधवारी सायंकाळी ताब्यात घेतले. याप्रकरणी वेदांतनगर पोलीस ठाण्यात गुन्हा दाखल करण्यात आला आहे. संपत गिते असे लाच घेणाऱ्या वरिष्ठ सहायकाचे नाव आहे.

तक्रारदाराने शिक्षणाचा हक्क कायद्यांतर्गत विद्यार्थ्याच्या शुल्कातील परतावा मिळवण्यासाठी प्रस्ताव पाठवलेला होता. यासाठी तक्रारदाराने गिते यांची भेट घेतली. आरटीई-२ हे प्रमाणपत्र देण्यासाठी गिते यांनी ५ हजार रुपयांची मागणी केल्याची तक्रार लाचलुचपत प्रतिबंधक विभागाकडे तक्रारदाराने नोंदवली. तक्रारीची शहानिशा केल्यानंतर गिते यांनी ४ हजार रुपयांची मागणी केल्याचे निष्पन्न झाले. लाचलुचपत प्रतिबंधक विभागाचे पोलीस निरीक्षक हनुमंत वारे यांच्या पथकाने सापळा रचला. तक्रारदाराकडून लाचेची रक्कम घेताना संपत गिते यांना पकडण्यात आले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Demand for rs 5000 bribe for rte certificate senior assistant in education department in custody msr

Next Story
गैरव्यवहारात अडकलेल्या मंत्र्यांनी राजीनामे द्यावेत -खडसे