माजी आमदार भानुदास मुरकुटे पुन्हा शिवसेनेत

ठाणे येथील आनंद आश्रम येथे हा पक्षप्रवेश सोहळा झाला. या वेळी माजी खासदार सदाशिव लोखंडे, माजी आमदार भाऊसाहेब कांबळे, राजेंद्र देवकर आदी उपस्थित होते. या वेळी एकनाथ शिंदे म्हणाले, की शिवसेना ही बाळासाहेब ठाकरे यांनी उभारलेली चळवळ आहे. मुरकुटे समर्थकांचा प्रवेश म्हणजे पक्षाच्या विचारधारेत रुजलेल्या निष्ठावान नेतृत्वाची भर आहे. यामुळे पक्षाचे बळ श्रीरामपूर तालुक्यात अधिक घट्ट होईल.

मुरकुटे म्हणाले, मी बाळासाहेब ठाकरे यांचे विचार मानणारा आहे. एकनाथ शिंदे यांच्या नेतृत्वाखाली आम्ही ग्रामीण भागाचा विकास आणि सामान्य जनतेच्या समस्या सोडवण्यासाठी शिवसेनेसोबत खंबीरपणे उभे राहू.