‘हनी ट्रॅप’आरोपीची कारागृहातून बाहेर येताच आत्महत्या ; दिल्लीच्या डॉक्टरची दोन कोटींनी फसवणूक

प्लास्टिकच्या पिशव्या डोक्यात घालून व त्यात ऑक्सिजन सिलिंडरमधील नायट्रोजन सोडून आत्महत्या केल्याचे आढळले.

प्रातिनिधिक छायाचित्र

यवतमाळ : बहुचर्चित ‘हनी ट्रॅप’ प्रकरणात दिल्ली येथील डॉक्टरला दोन कोटी रुपयांनी गंडा घालणाऱ्या आरोपीने कारागृहातून बाहेर आल्यानंतर आत्महत्या केली. ही घटना गुरुवारी रात्री दारव्हा मार्गावरील जसराणा अपार्टमेंट येथे उघडकीस आली. संदेश अनिल मानकर (२२) असे मृताचे नाव आहे. त्याने प्लास्टिकच्या पिशव्या डोक्यात घालून व त्यात ऑक्सिजन सिलिंडरमधील नायट्रोजन सोडून आत्महत्या केल्याचे आढळले.

उच्चशिक्षित तरुणी असल्याचे भासवून, समाज माध्यमातून मैत्री करत दिल्लीच्या डॉक्टरला दोन कोटींचा गंडा घातल्याप्रकरणी महिन्यापूर्वी सायबर गुन्हे शाखेच्या पथकाने संदेशला अटक केली होती. त्याच्याकडून एक कोटी ७४ लाख रुपयांची रोकड जप्त करण्यात आली होती. दरम्यान, काही दिवसांपूर्वी संदेश कारागृहातून बाहेर आला होता. तेव्हापासून दारव्हा मार्गावरील जसराणा अपार्टमेंटमध्ये एका महिला नातेवाईकाकडे राहत होता. गुरुवारी त्याची ही महिला नातेवाईक वर्धा येथे गेल्याने तो फ्लॅटमध्ये एकटाच होता. हीच संधी साधून त्याने आत्महत्येपूर्वी काळ्या प्लास्टिकच्या पिशव्या डोक्यात घातल्या. घरातील ऑक्सिजन सिलिंडरमधील नायट्रोजन त्यात सोडला. यात गुदमरून त्याचा मृत्यू झाला असावा, अशी माहिती पोलीस सूत्रांनी दिली. कारागृहातून बाहेर आल्यानंतर त्याने आत्महत्येची पूर्वतयारी केल्याचे घटनास्थळावरील साहित्यावरून लक्षात येते, असे पोलिसांनी सांगितले.

घरात त्याने ऑक्सिजन सिलिंडर आणून ठेवले होते. तसेच आत्महत्येपूर्वी तीन पानांचा मजकूर इंग्रजीत लिहून ठेवलेला आढळला. या सुसाईड नोटवरून पोलीस अधिक तपास करीत आहेत. पोलिसांनी आकस्मिक मृत्यूचा गुन्हा नोंदवला आहे. संदशेच्या शवविच्छेदन अहवालानंतरच मृत्यूचे नेमके कारण स्पष्ट होणार आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Honey trap accused commits suicide after releasing from jail zws

Next Story
गैरव्यवहारात अडकलेल्या मंत्र्यांनी राजीनामे द्यावेत -खडसे
ताज्या बातम्या