scorecardresearch

Premium

“सोळंकेंना ‘प्रदेशाध्यक्ष’पदाचा दिलेला शब्द पाळला नाही,” अजित पवारांची टीका; जयंत पाटील प्रत्युत्तर देत म्हणाले…

“शब्द देताना दहा वेळा विचार करून द्या”, असंही अजित पवारांनी जयंत पाटलांना सुनावलं होतं.

ajit pawar prakash solanke jayant patil (1)
प्रकाश सोळंकेंच्या प्रदेशाध्यक्षपदावरून अजित पवारांनी केलेल्या टीकेला जयंत पाटलांनी प्रत्युत्तर दिलं. ( लोकसत्ता ग्राफिक्स टीम )

उपमुख्यमंत्री अजित पवार यांनी राष्ट्रवादी काँग्रेसचे प्रदेशाध्यक्ष जयंत पाटील यांना लक्ष्य केलं होतं. २०१९ साली ‘प्रदेशाध्यक्ष’ पदावरून जयंत पाटलांनी प्रकाश सोळंके यांना शब्द दिला होता. मात्र, तो जयंत पाटलांनी पाळला नाही, अशी टीका अजित पवारांनी केली होती. याला जयंत पाटलांनी प्रत्युत्तर दिलं आहे. बीड जिल्ह्यातून प्रकाश सोळंकेंनी संधी देत त्यांच्यावरील अन्याय दूर करण्याची संधी अजित पवारांकडे होती, असा टोला जयंत पाटलांनी लगावला आहे. ते नाशिकमध्ये प्रसारमाध्यमांशी संवाद साधत होते.

जयंत पाटील म्हणाले, “२०१९ साली मंत्रीमंडळ विस्तारानंतर सोळंके नाराज झाले होते. ‘बीडमध्ये मी ज्येष्ठ नेता असताना मला मंत्री का केलं नाही?’ असा सवाल सोळंकेंनी उपस्थित केला. याबद्दल मी सोळंकेंची समजूत काढत होतो. तेव्हा, अजित पवार आले आणि सोळंकेंना ‘कार्याध्यक्ष’पदाचा शब्द दिला. यात माझा काहीही संबंध नव्हता. त्यानंतर पक्षानंही मला ‘प्रदेशाध्यक्ष’पद सोडून सोळंकेंना करायचं आहे, असं सांगितलं नाही.”

Fali Nariman
फली नरीमन ‘हिंदू-धर्माधारित राज्या’बद्दल काय म्हणाले होते?
jitendra awhad dhananjay munde
“गद्दारी रक्तात असलेल्यांना…”, शरद पवारांपाठोपाठ आव्हाडांचीही धनंजय मुंडेंवर टीका; म्हणाले, “तुमची लायकी…”
bihar trust vote
बिहारमध्ये १२ फेब्रुवारीला विश्वासदर्शक ठरावावर मतदान; विधानसभा अध्यक्षांचा मात्र अद्यापही राजीनामा नाही, नितीश कुमारांपुढे नवं आव्हान उभं राहणार?
Jitendra Awhad on Ajit pawar
अजित पवारांची ‘शेवटची निवडणूक’वरून सारवासारव अन् जितेंद्र आव्हाडांकडून चोख प्रत्युत्तर; म्हणाले, “जाऊ द्या कधीतरी…”

हेही वाचा : “…म्हणून मंत्रीपदाच्या यादीतून अनिल देशमुखांचं नाव वगळलं”, अजित पवारांचा मोठा दावा

“सोळंकेंना मंत्रीमंडळात यायचं होतं”

“प्रकाश सोळकेंचा ‘प्रदेशाध्यक्ष’ किंवा ‘कार्याध्यक्ष’पदावर फार रस नव्हता. त्यांना मंत्रीमंडळात यायचं होतं. पण, बीड जिल्ह्यातून प्रकाश सोळंकेंनी संधी देत त्यांच्यावरील अन्याय दूर करण्याची संधी अजित पवारांकडे होती,” असं जयंत पाटलांनी म्हटलं.

अजित पवार काय म्हणाले होते?

रायगडमधील कर्जत येथे अजित पवार गटाचं वैचारिक मंथन शिबिर आयोजित केलं आहे. यावेळी संवाद साधताना अजित पवारांनी सांगितलं, “२०१९ साली सरकार स्थापन झाल्यानंतर प्रकाश सोळंके नाराज झाले. सोळंकेंना मंत्रीमंडळात यायचं होतं. अशोक डक, मी, प्रकाश सोळंके आणि जयंत पाटील, काही वेळेला धनंजय मुंडे अशा आमच्या बैठका व्हायच्या. प्रकाश सोळंकेंनी राजीनामा द्यायची तयारी केली होती. त्यांचं मत होतं की, ‘मी पक्षासाठी काय कमी केलं? मलाही मंत्रीपद मिळालं पाहिजे.’ मात्र, सोळंकेंनी केलेली मागणी रास्त होती. शेवटी मी आणि जयंत पाटलांनी त्यांच्याशी चर्चा केली. त्यावेळी सोळंकेंना आम्ही ‘कार्याध्यक्ष’पदाचा शब्द दिला.”

“प्रदेशाध्यपद अजूनही चाललंच आहे”

“जयंत पाटलांनी म्हटलं, ‘मी एक वर्ष अध्यक्ष राहतो, एक वर्षानंतर तुम्ही कार्याध्यक्षाचं प्रदेशाध्यक्ष व्हा.’ तेव्हा प्रकाश सोळंकेंनी मान्य केलं. वर्षभरानंतर मी जयंत पाटलांना विचारलं, आपण सोळंकेंना शब्द दिलाय. यावर जयंत पाटलांनी सांगितलं, ‘हे खरंय, पण वरिष्ठ म्हणतात, तूच प्रदेशाध्यक्ष राहा.’ मी म्हणालो, वरिष्ठांना सांगा, मला जलसंपदा विभागातून वेळ मिळत नाही. मात्र, पुढं ढकलत, ढकलत अजून चाललंच आहे. हे बरोबर नाही,” अशी नाराजी अजित पवारांनी व्यक्त केली होती.

हेही वाचा : “मला अजित पवार अन् प्रफुल्ल पटेलांनी मंत्रीपदाची ऑफर दिली होती, पण…”, अनिल देशमुखांचं स्पष्टीकरण

“कार्यकर्त्यांना नाराज करायचं, मला अजिबात आवडत नाही”

“एकदा तुम्ही शब्द दिला, एखादा महिना पुढे-मागे चालेल. शब्द देताना दहा वेळा विचार करून द्या. कार्यकर्त्यांना नाराज करायचं, मला अजिबात आवडत नाही. पण, छोट्या-छोट्या गोष्टी साठत जातात,” असं अजित पवारांनी सांगितलं.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Jayant patil reply prakash solanke ncp president ajit pawar statement ssa

First published on: 01-12-2023 at 23:04 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×