Sharad Pawar NCP Candidate List 2024: राष्ट्रवादी शरद पवार पक्षाची दुसरी यादी जाहीर; शिवसेना उबाठा गटाच्या विरोधात दिला उमेदवार, वाद होण्याची शक्यता?

भूम-परांडा या मतदारसंघात राष्ट्रवादी काँग्रेस (शरद पवार) पक्षाच्या राहुल मोटे यांनी २००४, २००९ आणि २०१४ साली असा सलग तीनवेला विजय मिळविला होता. मात्र २०१९ साली शिवसेनेच्या तानाजी सावंत यांनी त्यांचा पराभव केला. त्यामुळे शिवसेना (उद्धव ठाकरे) पक्षाने याठिकाणी पहिल्याच यादीत राहुल पाटील यांना उमेदवारी जाहीर केली होती. यामुळे राहुल मोटे यांचे समर्थक नाराज होते. आज दुसरी यादी जाहीर करताना राष्ट्रवादीने राहुल मोटे यांना याठिकाणी उमेदवारी दिली आहे. जर ही चर्चा ठरवून झाली असेल तर परांडा विधानसभेत तानांजी सावंत विरुद्ध राष्ट्रवादी असा संघर्ष पुन्हा पाहायला मिळेल. मात्र शिवसेनेने याला मान्यता दिली नाही तर मात्र महाविकास आघाडीत बिघाडी होण्याची शक्यता आहे.

हे वाचा >> राष्ट्रवादी शरद पवार पक्षाची पहिली यादी जाहीर; बारामतीमध्ये अजित पवार वि. युगेंद्र पवार लढत निश्चित, रोहिणी खडसेही मैदानात

तसेच या यादीत छगन भुजबळ यांच्या विरोधात माणिकराव शिंदे यांना उमेदवारी देण्यात आली आहे. माणिकराव शिंदे यांचा २००९ साली भुजबळ यांनी पराभव केला होता. तेव्हा ते शिवसेनेतून निवडणूक लढविली होती.

राष्ट्रवादी काँग्रेस (शरद पवार) पक्षाची दुसरी यादी

यावेळी जयंत पाटील म्हणाले की, लाडक्या बहि‍णींना निवडणुकीपुरतेच गोंरजण्याचे काम सुरू आहे. जयश्री थोरात यांच्याबद्दल संगणनेर येथे जे विधान करण्यात आले ते अत्यंत दुर्दैवी होते. लाडक्या बहिणींना कसे वागवले जाते, हे राज्याने पाहिले. कापूस आणि सोयाबिण पिकाचे मोठे नुकसान झाले आहे. शेतकऱ्यांच्या तोंडाशी आलेला घास हिरावला. मात्र महायुतीच्या सरकारने शेतकऱ्यांना कोणतीही मदत केली नाही, आज दिवसाला दोन शेतकरी आत्महत्या करत आहेत.