Maharashtra Breaking News Live Today : पुणे जैन बोर्डिंग जमिनीचा व्यवहार अखेर रद्द! धर्मादाय आयुक्तांचे आदेश

गेल्या काही दिवसांपासून सुरू असलेल्या पुण्यातील जैन बोर्डिंग जमिनी व्यवहार प्रकरणात मोठी अपडेट समोर आली आहे. या प्रकरणाची सुनावणी धर्मादाय आयुक्तांच्या समोर होत होती. यातील दोन्ही बाजूंचे युक्तीवाद ऐकून घेतल्यानंतर हा व्यवहार रद्द करण्याचे आदेश धर्मादाय आयुक्ताकडून देण्यात आले आहेत.

आज संध्याकाळी सात वाजता बच्चू कडू हे मुख्यमंत्री देवेंद्र फडणवीस यांच्याबरोबर चर्चा करणार आहेत. यापूर्वी आंदोलकांना सबोधित करताना कडू म्हणाले की, आंदोलनात काही गोष्टी भेटल्या नाहीत तरी काही गोष्टी फार मोठ्या उभ्या राहत असतात. एकदा ही वज्रमूठ उभी झाली की, यातून शेतकऱ्यांच्या आंदोलकांचं एक चांगलं भविष्य उभे राहिल अशी अपेक्षा आहे. माध्यमांनी हे आंदोलन महाराष्ट्रभर पोहचवलं, लोकांच्या मनापर्यंत नेलं. वरचा देव पावला आता खालचा देव पावतो का नाही हे आपल्याला खरंतर संध्याकाळी सात वाजता दिसणार आहोत. आंदोलनात आपण जिंकतो पण कधीकधी तहात हरत देखील असतो. एखादा निर्णय झाला तर चांगला निर्णयही कधीकधी विरोधात वाटत असतो, असं बऱ्याच आंदोलकांच्या बाबतीत आपण नेहमीच होताना पाहिलं आहे. पण आपण आंदोलन करतोय हे महत्त्वाचं आहे. निर्णय कमी जास्त होतातच. एखादा निर्णय सर्वच कार्यकर्त्यांना पटेल असे होत नाही. आंदोलनाबाबत प्रामाणिकपणा असणं महत्त्वाचं आहे, असे बच्चू कडू म्हणाले.

आपण यश घेऊनच येऊ, नाही यश भेटलं तर आंदोलन करायला आपल्याला कोणाच्याही परवानगीची आवश्यकता नाही, असेही बच्चू कडू म्हणाले.