Maharashtra News Live Update : “एक दिवस वेळेवर यायला सांगितलं तर काहींना त्रास होतो”, अजित पवारांनी पदाधिकाऱ्यांना सुनावले खडेबोल

Ajit Pawar Warning to Ministers: राष्ट्रवादी (अजित पवार) काँग्रेस पक्षाचे चिंतन शिबिर नागपूर येथे घेण्यात येत आहे. आज शिबिराच्या पहिल्या दिवशी अध्यक्ष अजित पवार यांनी या शिबिरात आपली भूमिका मांडत असताना पक्षाची भविष्यातील दिशा, पक्षाच्या विस्तारासाठीची रणनीतीबाबत भूमिका मांडली. तसेच पक्षातील शिस्तीबाबत पदाधिकारी आणि थेट मंत्र्यानाही खडे बोल सुनावले. जर पक्षाचे आदेश पाळले नाहीत तर खुर्ची सोडावी लागेल, असाही इशारा अजित पवार यांनी दिला.

सविस्तर वाचा

राष्ट्रवादी काँग्रेस (अजित पवार) पक्षाच्या मेळाव्यात बोलताना उपमुख्यमंत्री अजित पवार यांनी कार्यक्रमासाठी वेळेत न येणाऱ्या पदाधिकाऱ्यांना चांगलंच सुनावलं आहे. अजित पवार म्हणाले की, "कधी कधी काही मंत्री जातात आणि तेथील जिल्हाध्यक्षांना विचारत देखील नाही. तो आपल्या परिवारातील घटक आहे. माझ्यासह सर्वांनी ज्या काही चुका होत असतील तर त्या दुरुस्त कराव्या लागतील. अन्यथा खुर्ची खाली करावी लागेल. वेळेला महत्व दिलं पाहिजे. अनेकजण उशीरा आले. पण आता पुढच्यावेळी वेळेत आले नाही तर सभागृहाचा दरवाजा बंद केला जाईल. तुम्हाला किती महत्व आहे हे देखील कळूद्या. पक्षाच्या कार्यक्रमाला एक दिवस यायचं असतं तरी काहींना त्रास होतो", असं अजित पवार यांनी म्हटलं आहे.

लाडकी बहीण योजनेत शासकीय महिला कर्मचारी, पुरुष लाभार्थी तसेच अडीच लाखांहून अधिक उत्पन्न असलेल्या महिलांनी तसेच एकाच कुटुंबातील दोन पेक्षा अधिक महिलांनी लाभ घेतल्याची बाब समोर आली. यामुळे या योजनेंतर्गत लाभ घेणाऱ्या अपात्र महिलांची संख्या दिवसेंदिवस वाढत आहे. २ कोटी ५२ लाख लाभार्थींपैकी सुमारे २७ ते २८ लाख महिला अपात्र ठरल्या आहेत. गरजू महिलांच्या खात्यातच पैसे जमा व्हावेत यासाठी सरकारने आता लाडकी बहीण योजनेतील महिलांना ई केवायसी करणे बंधनकारक केले आहे. ई केवायसी केल्यानंतरच या महिलांच्या खात्यात पुढील हप्ता जमा होणार आहे.

सविस्तर बातमी वाचा