Maharashtra News Highlights: सर्वोच्च न्यायालयाच्या आदेशानंतरही टोल वसुली? राजू शेट्टी म्हणाले, “वसुली बंद न केल्यास…”

राजू शेट्टी म्हणाले, "सर्वोच्च न्यायालयाच्या निर्णयानुसार पुणे ते कोल्हापूर व कागल ते बेळगांव या दोन्ही राष्ट्रीय महामार्गावर वाहनधारकांकडून टोल वसुली करता येणार नाही. काल याबाबत मी राष्ट्रीय महामार्ग प्राधिकरण यांना तातडीने या दोन्ही मार्गावरील टोल बंद करण्यात यावे याबाबत कायदेशीर मार्गाने नोटीस देण्यात आली आहे. येत्या आठवड्याभरात राष्ट्रीय महामार्ग प्राधिकरणाने याबाबत कार्यवाही न केल्यास पुढील आठवड्यात अवमान याचिका दाखल करणार आहे."

शिवसेनेच्या (ठाकरे) उपनेत्या सुषमा अंधारे म्हणाल्या की "नितेश राणे यांना आपल्या पूर्वजांचा विसर पडलेला नाही, ही चांगली गोष्ट आहे. त्यामुळेच तर ते हा सगळा उत्सव साजरा करू इच्छितात. ही अतिशय चांगली गोष्ट आहे. यानिमित्ताने नितेश राणे आणि त्यांच्या समर्थकांनी हा दिवस साजरा करतानादिवसभर वराह अवतारात काढायला हवा. या अवतारात ही जयंती त्यांनी साजरी करायला हवी. तेव्हाच खरी वराह जयंती साजरी होऊ शकेल."

राष्ट्रवादी काँग्रेस पार्टीचे (अजित पवार) आमदार अमोल मिटकरी म्हणाले, "वराह जयंती साजरी करायची असेल तर नितेश राणे यांनी सर्वप्रथम त्यांच्या घरापासून त्याची सुरुवात करावी. त्यांनी काही वहार पकडून आणावे आणि त्यांचं पूजन करावं. वराह पूजन म्हणजे वराहाच्या पोस्टरचं पूजन नव्हे तर त्यांनी प्रत्यक्ष वराह पकडून आणावे आणि त्यांच्या घरातच त्याची पूजा करावी."

काँग्रेस नेते बाळासाहेब थोरात यांना धमकी देणारा व्हिडीओ व्हायरल होत आहे. यामध्ये,”बाळासाहेब थोरात, आम्हाला देखील नथुराम गोडसे व्हावं लागेल हा… असे कीर्तनकार संग्राम भंडारे म्हणत आहेत. याच संग्राम भंडारे यांनी आता पुन्हा एकादा मुक्ताफळं उधळली आहेत. ते म्हणाले, "नथुराम गोडसे म्हटलं की लोकांना फक्त बंदूक आठवते. उलट गोडसेंचा अभ्यास करायला हवा, गोडसेंचं हिंदुत्व समाजासमोर यायला हवं. गेल्या ७५ वर्षांत नथुराम गोडसेंचे विचार कोणाच्या घरात पोहचू दिले गेले नाहीत. नथुराम गोडसे म्हणजे फक्त बंदूक नाही."

मनसे अध्यक्ष राज ठाकरे म्हणाले, "तुमच्या घरात खूप उंदीर झाले तर तुम्ही काय करता? पळवून लावता ना? उंदीर हे गणपतीचं वाहन आहे म्हणून आपण घरात ठेवतो का? मला कळत नाही हे कोण असे जैन लोक आहेत जे कबुतरांवर बसून फिरायला जातात? काय त्या कबुतरांचं चाललंय? केवळ राजकारण केलं जातंय. कबूतरं मेली नाही पाहिजेत एवढाच त्यांचा अट्टाहास. माणसं मेली तर त्यांना चालतं. रेल्वेखाली माणसं मरतायत. खड्ड्यांमुळे लोकांचे जीव जातायत माणसांपेक्षा कबुतरं महत्त्वाची आहेत का? कबुतरांचा विषय त्यांनी राजकीय केला. तो राजकीय विषय त्यांना तसाच लावायचा होता. मात्र, त्यांच्या लक्षात आलं की आमच्याकडून काही प्रतिक्रिया येत नाही. मग त्यांनी तो विषय सोडून दिला."