scorecardresearch

Premium

“अजित पवार गटातील आमदारांविरोधात भाजपा अपक्ष उमेदवार उभे करणार अन्…”, रोहित पवारांचं मोठं विधान

“जानेवारी महिन्यात राजकारण जातीवर जाईल,” अशी भीती रोहित पवारांनी व्यक्त केली आहे.

ajit pawar rohit pawar
अजित पवार गटातील आमदारांविरोधात भाजपा अपक्ष उमेदवार उभे करणार, असा दावा रोहित पवारांनी केला आहे. ( संग्रहित छायाचित्र )

जुलै महिन्यात अजित पवार त्यांच्या समर्थक आमदारांनी भाजपा आणि शिंदे सरकारला पाठिंबा देण्याचा निर्णय घेतला. पण, अजित पवार गटातील आमदारांबाबत राष्ट्रवादी काँग्रेसचे आमदार रोहित पवार यांनी मोठं विधान केलं आहे. अजित पवार गटातील आमदारांविरोधात भाजपा अपक्ष उमेदवार उभे करणार आहे, असं रोहित पवारांनी म्हटलं. ते प्रसारमाध्यमांशी संवाद साधत होते.

रोहित पवार म्हणाले, “अजित पवार गटातील आमदारांना भीती वाटत आहे. कारण, येत्या काळात अजित पवार गटातील आमदारांविरोधात भाजपा अपक्ष उमेदवार उभे करणार आहे. त्या अपक्ष उमेदवारांना भाजपा ताकद देत अजित पवार गटातील आमदारांना पराभूत करण्याचं काम करणार आहे. ही गोष्ट माहिती असल्यानं अजित पवार गटातील आमदारांमध्ये चल-बिचल सुरू झाली आहे.”

heena gavit loksabha 2024 marathi news, nandurbar heena gavit marathi news, heena gavit bjp loksabha 2024 marathi news
नंदुरबारमध्ये डाॅ. हिना गावित यांच्या उमेदवारीला मित्र पक्षाबरोबरच भाजपमध्येही विरोध
Ajit Pawar wife v_s Supriya Sule
बारामतीत अजित पवारांची पत्नी विरुद्ध सुप्रिया सुळे यांच्यातील लढत जवळपास निश्चित; कोण आहेत सुनेत्रा पवार?
aam aadmi party
“आम्ही सांगून सांगून थकलोय”; इंडिया आघाडीतील जागावाटपाच्या प्रतीक्षेनंतर आसाममधील ‘आप’ने तीन उमेदवारांच्या नावाची केली घोषणा
Eknath Shinde with Gangster
कुख्यात गुंडांचे मुख्यमंत्र्यांबरोबर फोटो, गुन्हेगारांचे मंत्रालयात रील्स, विरोधकांच्या टीकेनंतर सरकारची पहिली प्रतिक्रिया

हेही वाचा : जयंत पाटील गटाचे नेते, कार्यकर्त्यांना अजितदादांचे आकर्षण

“…त्यामुळे अजित पवारांची कोंडी झाली आहे”

आमदार नवाब मलिक यांच्याप्रकरणी उपमुख्यमंत्री देवेंद्र फडणवीस यांनी उपमुख्यमंत्री अजित पवार यांना लिहिण्यात आलेल्या पत्राबाबतही रोहित पवारांनी भाष्य केलं आहे. “देवेंद्र फडणवीसांनी अजित पवारांना लिहिलेलं खाजगी पत्र माध्यमांकडे आलं. मात्र, फडणवीसांना ते पत्र बाहेर आणायचेच होते. त्या पत्रामुळे अजित पवारांची कोंडी झाली आहे.”

हेही वाचा : पक्षश्रेष्ठींच्या नाराजीमुळे भाजप नेत्यांचे नवाब मलिकांबाबत मौन

“…म्हणून मराठा-ओबीसी वाद लावण्याचा प्रयत्न भाजपाकडून केला जातोय”

रोहित पवारांनी मंत्री छगन भुजबळ यांच्यावरही टीका केली आहे. “छगन भुजबळ देवेंद्र फडणवीसांची भाषा बोलत आहेत. जानेवारी महिन्यात राजकारण जातीवर जाण्याची भीती आम्हाला वाटत आहे. लोकसभा निवडणुकीआधी ओबीसी-मराठा वाद सुरु झाला आहे. हिंदू-मुस्लीम वाद निर्माण करण्याचा प्रयत्न करण्यात आला. पण, त्यातून राजकीय पोळी भाजता आली नाही, म्हणून मराठा-ओबीसी वाद लावण्याचा प्रयत्न भाजपाकडून करण्यात येत आहे,” असा आरोप रोहित पवारांनी केला आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rohit pawar allegation bjp obc vs maratha and ajit pawar group devendra fadnavis chhagan bhujbal ssa

First published on: 10-12-2023 at 15:15 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×