scorecardresearch

Premium

“…तर संपूर्ण पक्ष भाजपाबरोबर गेला असता”; रोहित पवारांचं मोठं विधान, अजित पवारांचा दावा फेटाळत म्हणाले…

अजित पवारांनी केलेला दावा रोहित पवारांनी फेटाळून लावला आहे.

rohit pawar and ajit pawar (1)
अजित पवार व रोहित पवार (फोटो-लोकसत्ता ग्राफिक्स टीम)

अलीकडेच कर्जत येथे अजित पवार गटाचा मेळावा पार पडला. या मेळाव्यातून उपमुख्यमंत्री अजित पवार यांनी अनेक गौप्यस्फोट केले. भाजपाबरोबर सत्तेत जाण्याची इच्छा शरद पवारांची होती. मी अध्यक्षपदाचा राजीनामा देतो, तुम्ही सत्तेत जा, असं स्वत: शरद पवारांनीच सांगितलं होतं, असा गौप्यस्फोट अजित पवारांनी केला. पण शरद पवारांनी अजित पवारांचे सर्व आरोप फेटाळून लावले आहेत. त्यांनी सांगितलेल्या अनेक बाबी मला पहिल्यांदाच समजत आहेत, असं पवारांनी म्हटलं.

या संपूर्ण प्रकरणावर आता शरद पवार गटाचे आमदार रोहित पवार यांनी प्रतिक्रिया दिली आहे. भाजपाबरोबर जाण्याचं शरद पवारांनी कधीच सांगितलं नाही, असं वक्तव्य रोहित पवारांनी केलं. अजित पवार आणि त्यांचा मित्र परिवार भाजपाबरोबर गेला आहे. त्यामुळे तिकडे जाण्याची इच्छा कुणाची होती आणि कशासाठी होती? हे आपल्या सर्वांना माहीत आहे, असंही रोहित पवार म्हणाले. ते अमरावती येथे पत्रकार परिषदेत बोलत होते.

manoj jarange devendra fadnavis (1)
फडणवीसांचा विधानसभेतून हल्लाबोल अन् मनोज जरांगेंनी मागितली माफी; म्हणाले “उपोषणावेळी अनावधानाने…”
amit deshmukh
“ते दिवस पुन्हा आणायचे असतील तर…” अमित देशमुखांचे विधान, शरद पवारांचे नाव घेत म्हणाले, “प्रत्येक…”
MP of Hatkanangale
हातकणंगलेच्या खासदारांनी काय केले ? प्रकाश आवाडे यांची टीका; लवकरच उत्तर देणार – धैर्यशील माने
What did the MPs of Hatkanangale do Criticism of Prakash Awade
हातकणंगलेच्या खासदारांनी काय केले ? प्रकाश आवाडे यांची टीका

अजित पवारांच्या विविध गौप्यस्फोटाबाबत विचारलं असता रोहित पवार म्हणाले, “त्यांनी कुठले कुठले खुलासे केले, हे मला माहीत नाही. कारण जी भाषणं संविधानाला धरून आणि विचाराला धरून असतात, तीच भाषणं आम्ही ऐकत असतो. आता ते तिकडे गेल्यामुळे त्यांची भाषणं आम्हाला पटत नाहीत आणि समजतही नाहीत. भाजपाबरोबर जाण्याचा निर्णय शरद पवारांचा असता, तर आमची संपूर्ण पार्टी भाजपाबरोबर सत्तेत गेली असती. पण ती तशीच आहे. आम्ही त्यांच्याबरोबर (शरद पवार) आहोत. अजित पवार आणि त्यांचा मित्र परिवार भाजपाबरोबर गेला आहे. त्यामुळे भाजपाबरोबर जाण्याची इच्छा कुणाची होती? आणि कशासाठी होती? हे आपल्या सर्वांना माहीत आहे.”

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rohit pawar reaction on ajit pawar claim about sharad pawar willing to go with bjp govt rmm

First published on: 05-12-2023 at 08:36 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×