पुणे बंगळुरू महामार्गावर शिवशाही बसला आग लागली

बसला आग लागल्याची माहिती मिळताच भुईंज तालुका वाई पोलीस ठाण्याचे सहायक पोलीस निरीक्षक रमेश गर्जे व कर्मचाऱ्यांनी ताबडतोब महामार्गावर धाव घेतली.

Shivshahi bus catches fire on Pune Bangalore highway

कोल्हापूरहून मुंबईकडे जाणाऱ्या शिवशाही बसला महामार्गावर आग (प्रतिकात्मक छायाचित्र)

सातारा : पुणे-बंगळुरू महामार्गावर कोल्हापूरहून मुंबईकडे जाणाऱ्या शिवशाही बसला रविवारी दुपारी आग लागली. चालकाने प्रसंगावधान राखून सर्व प्रवासी सुरक्षित बसमधून उतरविले. त्यामुळे मोठी दुर्घटना टळली.

बसला आग लागल्याची माहिती मिळताच भुईंज तालुका वाई पोलीस ठाण्याचे सहायक पोलीस निरीक्षक रमेश गर्जे व कर्मचाऱ्यांनी ताबडतोब महामार्गावर धाव घेतली. त्यांनी महामार्गावरून पुण्याकडे जाणारी वाहतूक सेवा (सर्विस रोड) रस्त्यावरून वळविली. तत्काळ किसन वीर साखर कारखाना व वाई पालिकेच्या अग्निशामक आग बंबांना बोलविण्यात आले.

आज सकाळी कोल्हापूरहून मुंबईकडे जाणारी कोल्हापूर आगाराची शिवशाही बस (एमएच ०६ बीडब्ल्यू ३५२३) महामार्गावरून जात होती. भुईंज गावच्या हद्दीत बसने अचानक पेट घेतला. प्रसंगावधान राखून चालकाने प्रवाशांना खाली उतरवल्याने मोठा अनर्थ टळला. अग्निशामक बंबाने आग विझवण्यात आली.

This quiz is AI-generated and for edutainment purposes only.

हेही वाचा

प्रा. श्रीराम पुजारी यांची जन्मशताब्दी वर्षपूर्ती, तबलानवाज उस्ताद झाकीर हुसेन यांना आदरांजली

भुईंज पोलीस ठाण्याच्या व महामार्ग पोलिसांच्या अधिकारी व कर्मचाऱ्यांनी महामार्ग रोखून धरला. वाहतूक सेवा वळवली. तोपर्यंत परिसरात बघ्यांची मोठी गर्दी जमा झाली होती. आग विझल्यानंतर महामार्गावरील वाहतूक सुरळीत करण्यात आली. या घटनेची नोंद भुईंज पोलीस ठाण्यात करण्यात आली आहे. प्रवाशांना दुसऱ्या बसमधून मुंबईकडे पाठविण्यात आले.

Web Title: Shivshahi bus catches fire on pune bangalore highway phm 00