“मुलगी म्हणून चिडवणं हा अपमान नाही तर…”; विकास गुप्ताने सांगितल्या बालपणीच्या कटू आठवणी

प्रसिद्ध टीव्ही निर्माता, अभिनेता व ‘बिग बॉस ११’ या रिअॅलिटी शोचा स्पर्धक विकास गुप्ता याने काही दिवसांपूर्वीच तो बायसेक्शुअल असल्याचा खुलासा केला होता. त्याने केलेल्या गौप्यस्फोटानंतर सोशल मीडियावर याविषयी चर्चा रंगली आहे. त्यातच विकासने इन्स्टाग्रामवर एक व्हिडीओ शेअर करत लहान असताना त्याचे मित्र-मैत्रिणी त्याची कशी खिल्ली उडवायचे हे सांगितलं आहे.

“जेव्हा मी लहान होतो, तेव्हा शाळेत माझ्या वरच्या वर्गातील मुलं आणि माझे मित्र माझी कायम मस्करी करायचे. माझे हावभाव माझ्या ओठांची ठेवण यावर विनोद करायचे. ज्यावेळी मी सुट्टीत घरी यायचो, तेव्हा सुद्धा संध्याकाळी कॉलनीतील मुलं आणि मुलीसुद्धा मला चिडवायचे. हा बघा कसा मुलींसारखा वागतोय, विकास मुलगीच आहे, त्याचे हातवारे पाहा, असं म्हणत मोठ्या मुलीसुद्धा चिडवायच्या”, असं विकासने सांगितलं.

 

View this post on Instagram

 

जब मैं chota था तब से ही बाक़ी seniors या meri class ke बच्चे mujhe चिढ़ाया करते थे और फिर जब मैं summer vacation में अपने ghar आता और shaam को colony ke लड़के यहाँ तक कि सीन्यर लड़कियाँ भी इसको देखो कैसे लड़कियों की तरह बातें करता है ये Vikas तो है ही ladkI इसके हाथ कैसे चल रहे हैं । यह तो दिखता भी लड़कियों की तरह इसकी लिप्स देख। ये लड़ाई भी नहीं करता । डरपोक है लड़कियों कि तरह । लेट्स talk ईंट आउट and they would laugh on my conversations on my face and walk away saying एक दम जनानी है I really started feeling disgusted and really started believing being called a girl is the worst insult and abuse ever girls are weak and bechari they need to taken care of and protected and I am not like them till I entered #Balajitelefilms 5th floor. And met the opposite of abla bechari etc etc . I met #ektakapoor & rest is myy life ahead Here I learnt what is power of a woman so trollers and my exes under fake ids thankyou for calling me a Janaani and for the stupid’s incase you don’t know your जननी is also a जनानी when you calls any of us a girl it’s a compliment it’s not an insult idiot- And one little thing. People some how have this preconceived notion about someone like me to be physically weak just cause we are soft spoken and are more interesting In stories than Gym. Woh galatafahami #Bigboss11 ke akhare me ek baar nahi do do bar abs ki dukaano ke saath saath baaki India ko bata aur dikha chuka hoon. Don’t ever underestimate a boy just cause he is a little feminine and please not all effeminate guys are gay or bisexual #vikasgupta with #lostsouls is #OutandAbout to change his world to good and wants to #BeKind #pridemonth ends #newjourney startsP.S. I don’t get effected by trollers and comments anymore but as it effects my work and my loved ones. You will meet the new me. For the #WomanisPower challenge I am challenging @kkundrra @arjunbijlani @ravidubey2312 to put a #Genderswap post Please do let others know being a woman is not being weak and please pass the challenge

A post shared by Vikas Guppta (@lostboyjourney) on Jun 30, 2020 at 11:26pm PDT

पुढे तो म्हणतो, “याच्या ओठांची ठेवण सुद्धा मुलींसारखी आहे, हा कधी भांडणंही करत नाही. एकदम भित्रा आहे मुलींसारखा. चला जरा याच्याविषयी चर्चा करु असं मुली म्हणायच्या आणि जोरजोरात हसायच्या. त्या कायम माझ्या दिसण्यावर, माझ्या बोलण्याच्या पद्धतीवर हसायच्या आणि नेहमी म्हणायच्या ही तर मुलगी आहे. त्यावेळी खरंच मला अत्यंत वाईट वाटायचं. मला वाटायचं की मुलगी म्हणून चिडवणं हे फार अपमानास्पद आहे. कारण मुली या भित्र्या आणि गरीब स्वभावाच्या असतात. त्यांना कायम संरक्षणाची गरज असते. जोपर्यंत मी बालाजी टेलीफिल्म्सच्या पाचव्या मजल्यावर पोहोचलो नव्हतो तोपर्यंत मला कायम हेच वाटायचं. ज्यावेळी मी एकता कपूरला भेटलो तेव्हा मला खऱ्या स्त्रीचा अर्थ उगमला. स्त्री कमकूवत नसते, तर ती धैर्यशाली असते. त्यामुळे मला ट्रोल करणाऱ्यांनो आणि खोट्या अकाऊंटवरुन माझ्याशी बोलणाऱ्या एक्स गर्लफ्रेंड्स तुम्हाला सगळ्यांचे मनापासून धन्यवाद की तुम्ही मला मुलगी, स्त्री म्हणून चिडवलं. आणि तुम्हाला सगळ्यांना एक आवर्जून सांगतो, तुम्हाला जन्म देणारी सुद्धा एक स्त्रीच आहे. जेव्हा तुम्ही आमच्यासारख्यांना स्त्री म्हणून हिनवता तेव्हा तो अपमान नाही, तर आमच्यासाठी कॉम्प्लिमेंट असते”.

दरम्यान, ‘भाभीजी घर पर है’ या मालिकेतील मुख्य अभिनेत्री शिल्पा शिंदेसोबत विकास गुप्ताचे वाद झाल्यानंतर तो प्रकाशझोतात आला होता.विकास या मालिकेचा निर्माता आहे. शिल्पाला मालिकेतून मध्येच काढून टाकण्यात आलं होतं. त्यानंतर तिने विकासवर काही आरोप केले होते. त्यानंतर ‘बिग बॉस ११’ या रिअॅलिटी शोमध्येही विकास चर्चेत होता.

 

First Published on July 2, 2020 12:00 pm