३६ दिवसानंतरही अभिनेता अनिरूद्ध दवेची करोनाशी झुंज सुरूच; सेल्फी शेअर करत दिली हेल्थ अपडेट

अनिरूद्ध दवे याने त्याच्या ट्विटर अकाउंटवर हा सेल्फी शेअर केलाय. या सेल्फीमध्ये त्याच्या नाकात पाईप लावला असल्याचं दिसून येत आहे. यासोबतच त्याने एक पोस्ट देखील शेअर केली आहे. यात त्याने लिहिलं, “३६ वा दिवस सुरूय आणि लढाई सुरूच आहे. ऑक्सिजन सपोर्ट सुरू आहे पण फुप्फुसे आता हळुहळु बरे होऊ लागले आहेत. डॉ. गोएंकाने सांगितलं, जास्त बोलू नका पण जवळच्या नातेवाईकांच्या संपर्कात राहत जा. चित्रपट आणि शो पाहू शकतो. एखाद्या नवजात बाळाप्रमाणे सध्या मी चालायचा प्रयत्न करतोय. मग सेल्फी तर बनतेच. तुम्हा सगळ्यांचे आभार.”

And the battle is On this 36th day.oxygen is on.But ya On the road to recovery of lungs.Dr.goenka said dont talk much bt may do reply n can be in touch with loved ones,may watch films shows,new life,like a new born wl practice walking now,selfie toh banti hai #gratitude u all pic.twitter.com/odvYa8tTow

— ANIRUDH DAVE (@aniruddh_dave) June 6, 2021

अनिरूद्ध दवेला आयसीयूमध्ये दाखल करण्यात आल्यानंतर त्याचे फॅन्स त्याच्या प्रकृतीत सुधारणा व्हावी यासाठी देवाकडे प्रार्थना करताना दिसून आले. फक्त फॅन्सच नव्हे तर इतर सेलिब्रिटीसुद्धा त्याच्या प्रकृतीची चौकशी करताना दिसून येत आहेत. नुकतंच निया शर्माने ट्विट करत त्याची चौकशी केली. यावर रिप्लाय देताना अनिरूद्ध दवे भावूक झाला होता. तिच्या ट्विटला रिप्लाय देताना हात थरथर कापत होते, असं देखील त्याने सांगितलं.

My hands shivered while I wrote that note to only see you replying to it now. shall keep praying for your recovery till you’re back home with your lil one annirudh.! Kudos to you fighter. https://t.co/zkzjH3UUAq

— NIA SHARMA (@Theniasharma) June 6, 2021

अनिरूद्ध दवे गेल्या एक महिन्यापासून रूग्णालयात करोनाचे उपचार घेतोय. मध्य प्रदेशमध्ये एका शूटिंग दरम्यान त्याला करोना झाला होता. २३ एप्रिल रोजी त्याने करोना झाल्याचं जाहीर केलं होतं. त्यानंतर १४ दिवस त्याला आयसीयूमध्ये ठेवण्यात येणार असल्याचं देखील त्यावेळी त्याने सांगितलं होतं. परंतू आता ३६ दिवस उलटले तरीही त्याची करोनाविरोधातली झुंज सुरूच आहे.