बॉलिवूड सुपरस्टार शाहरूख खानने टि्वटरवर एक कोटी चाहात्यांचा आकडा पार केला असून, टि्वटरवरील आपल्या या चाहात्यांचे आभार मानण्यासाठी शाहरूखने पहिल्यांदाच ‘ऑडिओ टि्वट’चा वापर केला. या उपक्रमास चांगला प्रतिसाद मिळाल्यास ‘व्हॉईस ब्लॉगिंग’ सुरू करण्याचा मनोदय त्याने व्यक्त केला. टि्वटरवरील आपल्या ‘व्हईस मेसेज’मध्ये शाहरूख म्हणतो, असे पहिल्यांदाच होत आहे की तुम्ही मला टि्वटरवर ऐकत आहात. टि्वटरवर एक कोटीपेक्षा जास्त फॉलोअर्सचा आकडा पार करत, माझ्यावर तुम्ही केलेल्या प्रेमाच्या वर्षावासाठी तुमचे मनापासून धन्यवाद. माझसुध्दा तुमच्यावर खूप प्रेम आहे. टि्वटरवर एक कोटी सोळा लाखपेक्षा जास्त चाहाते असलेले बॉलिवूडचे माहानायक अमिताभ बच्चन टि्वटर फॉलोअर्सच्या संख्येत शाहरूखच्या पुढे आहेत. शाहरूखने पहिल्यांदाच टि्वटरवरून चाहात्यांसाठी ‘व्हॉईस मेसेज’ पोस्ट केला असून, या उपक्रमास चाहात्यांकडून चांगला प्रतिसाद मिळाल्यास ‘व्हईस ब्लॉगिंग’ सुरू करण्याचा त्याचा मनोदय आहे.