कलाविश्वातील लोकप्रिय अभिनेत्री अनुष्का शर्माने अभिनयानंतर तिचा मोर्चा आता निर्मिती क्षेत्राकडे वळविला आहे. अलिकडेच तिची 'बुलबुल' ही वेब सीरिज नेटफ्लिक्सवर प्रदर्शित झाली. मात्र या सीरिजमधून धार्मिक भावना दुखावल्याचा आरोप हिंदुस्तानी भाऊने केला आहे. त्याने ट्विटरच्या माध्यमातून या सीरिजवर आक्षेप घेत काही आरोप केले आहेत. काही दिवसांपूर्वीच अनुष्काची बुलबुल ही सीरिज प्रेक्षकांच्या भेटीला आली. यात तृप्ती डिमरी, अविनाश तिवारी आणि राहुल बोस यांनी मुख्य भूमिका साकारली आहे. मात्र या सीरिजमध्ये श्रीकृष्ण आणि राधा यांचा अपमान केल्याचा आरोप हिंदुस्तानी भाऊने केला आहे. Anushka Sharma ki Bulbul Web Series Par Bhagwan Shree Krishna Or Radha Ko Gande Bhasha Se Apmanit Kiya Gaya Hai, Kya Aise Logon Par Ye Sarkar Karvayi Karegi ? Ab Tak Ekta Kapoor Par Koi Bhi Karvayi Kyu Nahi Ki ? Kab Tak Aise Log Humare Desh Ko Badnaam Karenge ? @CMOMaharashtra — Hindustani bhau (@Realkingbhau2) June 29, 2020 "अनुष्का शर्माच्या बुलबुल या सीरिजमध्ये भगवान श्रीकृष्ण आणि राधा यांचा अपमान करण्यात आला आहे. त्यामुळे अशा लोकांवर सरकार कारवाई करणार का? अजूनपर्यंत एकता कपूरवर कोणतीही कारवाई का करण्यात आलेली नाही?. कधीपर्यंत ही अशी लोकं आपल्या देशाचा अपमान करत राहतील?", असं ट्विट हिंदुस्तानी भाऊने केलं आहे. सोबतच त्याने मुख्यमंत्र्यांनाही टॅग केलं आहे. दरम्यान, हिंदुस्तानी भाऊ कायम सोशल मीडियाच्या माध्यमातून न पटणाऱ्या गोष्टींवर थेट व्यक्त होत असतो. काही दिवसांपूर्वी त्याने ऑल्ट बालाजीच्या एक्सएक्सएक्स या सीरिजमध्ये भारतीय लष्कराचा अपमान केल्याचा आरोप केला होता. इतकंच नाही तर त्याने एकता विरोधात तक्रारही दाखल केली होती.