जेम्स कॅमरून यांच्या ‘अवतार : द वे ऑफ वॉटर’ या चित्रपटाची सध्या सगळीकडेच चर्चा आहे. २००९ साली आलेल्या ‘अवतार’ने सर्वाधिक कमाईचा इतिहास रचला होता. एक अद्भुत विश्व या चित्रपटाच्या माध्यमातून प्रेक्षकांना अनुभवायला मिळालं होतं. आता तब्बल १२ वर्षांनी या चित्रपटाचा दूसरा भाग येत आहे. नुकतेच या चित्रपटाचे स्पेशल स्क्रीनिंग झाले. यावेळी अनेक आघाडीच्या बॉलिवूड कलाकारांनी हा चित्रपट पाहिला. यावेळी अक्षय कुमारही उपस्थित होता. या चित्रपटाबद्दल त्याला काय वाटतं हे सांगितलं आहे. आणखी वाचा : “माझी सून फारच…” आलिया भट्टबद्दल स्पष्टच बोलल्या नीतू कपूर २०२२ मध्ये अक्षय कुमारचा एकही चित्रपट पारशी चांगली कामगिरी करू शकलेला नाही. त्याचं अक्षय कुमारला दुःख वाटत असतानाच दुसऱ्या चित्रपटाचे कौतुक करताना मात्र तो कचरला नाही. अक्षय नुकताच 'अवतार २' हा चित्रपट पाहिला आणि या चित्रपटाचं भरभरून कौतुक केलं आहे. अक्षयने नुकतंच 'अवतार २'बद्दल एक ट्वीट केलं. या ट्वीटमध्ये त्याने लिहिलं, "काल रात्री मी 'अवतार २' हा चित्रपट पाहिला. या चित्रपटाचं वर्णन करण्यासाठी माझ्याकडे अद्भुत हा एकमेव शब्द आहे. मी अजूनही भारावलेलो आहे. मला या उत्कृष्ट कलाकृतीपुढे नतमस्तक व्हावसं वाटतंय." https://twitter.com/akshaykumar/status/1602985593994358784?t=ymaIdUMR9_Q8RJhslXJGHQ&s=08 हेही वाचा : अक्षय कुमार नाही तर ‘हे’ अभिनेते आहेत सर्वाधिक मानधन घेणारे भारतीय कलाकार या चित्रपटाबद्दल प्रेक्षकांच्या मनातली उत्सुकता वाढली आहे. ‘अवतार’चा हा दूसरा भाग उद्या म्हणजेच १६ डिसेंबर २०२२ या दिवशी चित्रपटगृहात झळकणार आहे. शिवाय येणाऱ्या काही वर्षात या चित्रपटाचे आणखी ३ भाग बघायला मिळणार आहेत.
