अमिताभ बच्चन यांना पत्नी जया यांनी म्हटलं 'बुड्ढा', म्हणाल्या "माझ्या मैत्रिणी घरी येतात तेव्हा..." | amitabh bachchan wife jaya bachchan call him buddha says he dont like my friends | Loksatta

अमिताभ बच्चन यांना पत्नी जया यांनी म्हटलं ‘बुड्ढा’, म्हणाल्या “माझ्या मैत्रिणी घरी येतात तेव्हा…”

जया बच्चन यांनी अमिताभ बच्चन यांच्याबद्दल खुलासा केला आहे.

अमिताभ बच्चन यांना पत्नी जया यांनी म्हटलं ‘बुड्ढा’, म्हणाल्या “माझ्या मैत्रिणी घरी येतात तेव्हा…”
नात नव्या नवेली नंदाच्या शोमध्ये जया बच्चन यांनी अमिताभ बच्चन यांच्याबद्दल बरेच खुलासे केले आहेत.

अभिनेत्री जया बच्चन सोशल मीडियावर नेहमीच काही ना काही कारणाने चर्चेत असतात. त्यांचे व्हिडीओही अनेकदा व्हायरल होताना दिसतात. अलिकडेच एका शोमध्ये पती अमिताभ बच्चन यांच्याबद्दल असं काही वक्तव्य केलंय की चाहतेही हैराण झाले आहेत. जया बच्चन यांनी अमिताभ यांना बुड्ढा म्हणजेच ते म्हातारे झाले आहेत असं म्हटलं आहे. माझ्या मैत्रिणींनी घरी येणं अमिताभ बच्चन यांना अजिबात आवडत नाही असं हैराण करणारा खुलासा जया बच्चन यांनी केला आहे. नात नव्या नवेली नंदाच्या शोमध्ये जया बच्चन यांनी अमिताभ बच्चन यांच्याबद्दल बरेच खुलासे केले आहेत.

नव्या नवेली नंदाने काही काळापूर्वीच स्वतःचं पॉडकास्ट शो ‘What The Hell’ सुरू केला आहे. या शोमध्ये नुकतीच जया बच्चन सहभागी झाल्या होत्या. यावेळी त्यांनी मुलगी श्वेता नंदा आणि नव्या नवेली नंदा यांच्याशी गप्पा मारताना पती अमिताभ बच्चन यांच्याबद्दल बरेच खुलासे केले आहेत. या शोमध्ये जया, श्वेता आणि नव्या यांनी त्यांच्या मित्र- मैत्रिणींबद्दल भाष्य केलं आहे. यावेळी जया बच्चन यांनी सांगितलं की त्यांच्या ७ मैत्रिणी आहेत ज्यांना त्या मागच्या ४ दशकांपासून ओळखतात. आपल्या या मैत्रिणींच्या ग्रुपला त्यांनी ‘सात सहेली’ असं नाव दिलं आहे. नव्या आणि श्वेताही जया यांच्या मैत्रिणींना याच नावाने ओळखतात.
आणखी वाचा- “माझा नवरा मला सुख देतो की…” प्रिया बापटने सांगितला ट्रोलिंगचा धक्कादायक अनुभव

जया बच्चन सांगतात जेव्हा त्यांच्या या मैत्रिणी घरी येतात तेव्हा त्यांचा मुलगा अभिषेक बच्चन आणि नातू अगस्त्य खूश होतात मात्र पती अमिताभ बच्चन यांना मात्र ते आवडत नाही. त्यांचा चेहरा पडतो. जया बच्चन यांच्या मैत्रिणींना घरी पाहिल्यानंतर अमिताभ बच्चन चिडतात. त्या नव्याला म्हणाल्या, “तुझे आजोबा अचानक चिडतात. रागावतात. मला वर जायचं आहे एक्सक्यूज मी लेडीज असं म्हणून ते निघून जातात. ते घरी नसताना माझ्या मैत्रिणी खूप खूश असतात.”

आजी जया बच्चन यांचं बोलणं ऐकून नव्या म्हणते, “आजोबा तिथे असल्याने कदाचित तुमच्या मैत्रिणींना असहज वाटत असेल.” त्यावर जया म्हणाल्या, “असं काहीच नाही. त्या त्यांना मागच्या एवढ्या वर्षांपासून ओळखतात. पण ते आता बदलले आहेत. आता त्यांचं वय झालंय ते म्हातारे झालेत. एक तर मन आणि शारीरिकरित्या तुम्ही म्हातारे होता किंवा शरीराने म्हातारे होऊनही मनाने तरुण राहता. मी म्हातारी झाले नाही. मी अगदी १६ वर्षांच्या मुलांसोबतही बोलू शकते.”

आणखी वाचा- “माझ्या मुलांनी माझ्यासारखे होऊ नये कारण…” अमिताभ बच्चन यांची लेक श्वेताने केला खुलासा

दरम्यान अमिताभ बच्चन आणि जया बच्चन १९७३ मध्ये लग्न केलं होतं. त्यांच्या लग्नाला आता ४९ वर्षं झाली आहेत. अमिताभ बच्चन आणि जया बच्चन यांनी आतापर्यंत अनेक चित्रपटांमध्ये एकत्र काम केलं आहे. येत्या ११ ऑक्टोबरला अमिताभ बच्चन यांचा ८० वा वाढदिवस आहे. सध्या ते ‘कौन बनेगा करोडपती १४’चं शूटिंग करत आहेत. याशिवाय त्यांच्याकडे इतर बरेच प्रोजेक्ट आहेत. लवकरच ते ‘गुडबाय’मधून प्रेक्षकांच्या भेटीला येणार आहेत.

मराठीतील सर्व बॉलीवूड ( Bollywood ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
अभिनेत्री काजोल बहीण तनिषासह देवीच्या भक्तीत झाली तल्लीन, साजरा केला नवरात्रोत्सव

संबंधित बातम्या

गरोदर असल्याच्या चर्चांवर मलायका अरोराने सोडलं मौन, म्हणाली…
अमिताभ बच्चन यांनी फेडलं होतं ९० कोटींचं कर्ज; परेश रावल ‘त्या’ प्रसंगाची आठवण करत म्हणाले…
‘टॉयलेट: एक प्रेमकथा’, ‘पॅडमॅन’नंतर अक्षय कुमार घालणार या गंभीर मुद्द्याला हात; नव्या चित्रपटाची केली घोषणा
तुमच्या आडनावाचा महाराष्ट्राशी संबंध आहे का? अनुपम खेर यांनी उत्तर देत सांगितला ‘खेर’चा इतिहास, म्हणाले, “गाढव…”
४९व्या वर्षी मलायका अरोरा होणार अर्जुन कपूरच्या बाळाची आई?

व्हिडिओ

ताज्या बातम्या
‘बिग बॉस’ मराठीच्या घरातून ‘हे’ वाईल्ड कार्ड स्पर्धक बाहेर; नेमकं कारण काय?
‘छत्रपती शिवाजी महाराजांबाबतची चुकीची विधाने खपवून घेतली जाणार नाहीत’; खासदार श्रीकांत शिंदे यांचा इशारा
FIFA WC 2022: किलर किलियन! फ्रान्सची नवव्यांदा विश्वचषकाच्या उपांत्यपूर्व फेरीत धडक, पोलंडची झुंज अपयशी
‘ज्यांना इतिहास माहिती नाही त्यांनी यामध्ये पडू नये’; राज्यपालांनी शिवरायांबाबत केलेल्या विधानावरुन श्रीकांत शिंदे आक्रमक
मुख्यमंत्री आणि उपमुख्यमंत्र्यांनी ‘समृद्धी महामार्गावरून’ एकत्र प्रवास केलेली गाडी कोणाची? काँग्रेसचा खळबळजनक आरोप; म्हणाले…