बॉलीवूडमधील बरेच कलाकार वांद्र्यामधील पाली हिल येथे राहतात. काही दिवसांपूर्वी या भागातील दीपिका पदुकोण आणि रणवीर सिंह यांच्या ड्रीम हाऊसचा व्हिडीओ समोर आला होता. त्यानंतर आता अभिनेत्री जॅकलिन फर्नांडिसच्या आलिशान घराचा व्हिडीओ व्हायरल झाला आहे. लवकरच जॅकलिन फर्नांडिस ही कपूर कुटुंबीयांची शेजारी होणार आहे.
सेलिब्रिटी ‘विरल भयानी’ या इन्स्टाग्राम पेजवर जॅकलिन फर्नांडिसच्या वांद्र्यातील आलिशान घराचा व्हिडीओ शेअर करण्यात आला आहे. ‘टाइम नाउ’च्या वृत्तानुसार, जॅकलिनचं नवं घर हे रणबीर कपूर, करीना कपूर यांच्या घराशेजारी आहे. तसेच जॅकलिनच्या घराच्या हाकेच्या अंतरावर सलमान खान व शाहरुख खानचंही घर आहे.
हेही वाचा – रणबीर कपूरच्या ‘अ‍ॅनिमल’ चित्रपटाचं प्रदर्शन पुढे ढकललं, ऑगस्टऐवजी ‘या’ महिन्यात होणार रिलीज
हेही वाचा – सोनू सूदनं रिया चक्रवर्तीसाठी बनवला डोसा, व्हिडीओ पाहून नेटकरी भडकले; म्हणाले, “सुशांत सिंह राजपूतचा खून….”
अनेक वृत्तांनुसार- जॅकलिनचं नवं घर पाली हिलच्या नवरोज बिल्डिंगमध्ये आहे. या बिल्डिंगमधील सर्वांची घरं १११९ स्क्वेअर फूट ते २,५५७ स्क्वेअर फूट कार्पेट एरियादरम्यान आहेत. तशीच सर्व अपार्टमेंट ३ बीएचके आणि ४ बीएचके अशी आहेत. या अपार्टमेंटची किंमत १२ कोटी रुपयांपासून सुरू होते. शिवाय इथे क्लब हाऊस, स्विमिंग पूल व जिम अशा सुविधाही आहेत.
हेही वाचा – …अन् सलमान खानने ‘बिग बॉस ओटीटी’च्या प्रेक्षकांची मागितली जाहीर माफी, नेमकं काय घडलं?
जॅकलिनच्या कामकाजाबद्दल बोलायचं झालं, तर लवकरच ती वैभव मिश्राच्या ‘फतेह’ चित्रपटातून प्रेक्षकांच्या भेटीस येणार आहे. या चित्रपटात तिच्याबरोबर अभिनेता सोनू सूद व विजय राज असणार आहेत. शिवाय जॅकलिन आदित्य दत्तच्या ‘क्रॅक जितेगा तो जिएगा’ या चित्रपटात दिसणार आहे. या चित्रपटामध्ये जॅकलिनबरोबर विद्युत जामवाला व अर्जुन रामपाल हेही प्रमुख भूमिका निभावणार आहेत.
