आज नॉन एसी डबल डेकर बसचा मुंबईच्या रस्त्यांवर धावण्याचा अखेरचा दिवस आहे. तब्बल ८६ वर्षे मुंबईकरांच्या प्रवास महत्त्वपूर्ण भूमिका बजावणाऱ्या या नॉन एसी बसेस आता मुंबईच्या रस्त्यांवर दिसणार नाही. त्यांची जागा आता एसी बसेसने घेतली आहे. आज या बसेसचा अखेरचा दिवस असल्याने त्यांना सजवण्यात आलं आहे. या सजलेल्या बसेसचे फोटो व व्हिडीओ व्हायरल होत आहे.
Mumbai Double Decker Bus : डबलडेकर बस, मुंबईच्या राजेशाही रसरशीत सफरीचा शेवट
एका सजवलेल्या डबलडेकर बसचा व्हिडीओ विरल भयानी या इन्स्टाग्राम अकाउंटवरून शेअर करण्यात आला आहे. या व्हिडीओवर सर्वसामान्यांसह सेलिब्रिटीही कमेंट्स करत आहेत. मिका सिंगने या बसबद्दलच्या आठवणी सांगितल्या आहेत. तर भारती सिंगनेही कमेंट केली आहे.
‘माझ्या खूप साऱ्या आठवणी आहेत’, असं मिका सिंगने या व्हिडीओवर कमेंट करत म्हटलं आहे. तर ‘बस बंद करू नका, मी अजुन बसले नाहीये’, अशी कमेंट कॉमेडियन भारतील सिंगने केली आहे. ‘इतिहासात जमा’ अशी कमेंट अभिनेत्री अभिज्ञा भावेने केली आहे.
दरम्यान, ‘मुंबईकरांसाठी ही बस नाही तर भावना आहे’, ‘या बसबरोबर लहानपणीच्या खूप आठवणी आहेत’, ‘आज खूप वाईट वाटतंय’ अशा कमेंट्स नेटकऱ्यांनी केल्या आहेत. तर ज्यांना या बसमध्ये बसण्याचा अनुभव नाही, त्यांनी आपले स्वप्न अपूर्ण राहिल्याचं कमेंट करून म्हटलं आहे.
