आज देशभरात गणेश चतुर्थी साजरी केली जात आहे. सगळीकडे भाविक आपल्या लाडक्या बाप्पाचं आगमन साजरं करत आहेत. अगदी सर्वसामान्यांपासून ते सेलिब्रिटींपर्यंत सर्वजण आज बाप्पाच्या भक्तीत तल्लीन झाले आहेत. आज गणेश चतुर्थीच्या निमित्ताने अभिनेता कार्तिक आर्यन लालबागच्या राजाच्या दर्शनाला पोहोचला.
३३ वर्षे ज्या चाळीत राहिले, तिथे जॅकी श्रॉफ यांनी दिली भेट; म्हणाले, “त्या चाळीसाठी माझ्या…”
कार्तिकचा एक व्हिडीओ व्हायरल होत आहे. ज्यामध्ये तो गुलाबी कुर्ता आणि पांढऱ्या पायजमामध्ये दिसत होता. त्याने पायात कोल्हापुरी चप्पल घातली होती. आज गणेश चतुर्थीच्या दिवशीच तो बाप्पाच्या दर्शनाला पोहोचला. फोटो व व्हिडीओत कार्तिक बाप्पासमोर हात जोडून उभा दिसतोय.
कार्तिकने याचा एक फोटोही सोशल मीडियावर शेअर केला आहे. या फोटोत तो गणपती बाप्पाला नमस्कार करत आहे. फोटो शेअर करताना त्याने कॅप्शनमध्ये लिहिलं, ‘हा वर्षातील सर्वात आनंदाचा काळ आहे. गणपती बाप्पा मोरया’ सोबरत त्याने #लालबागचाराजा असा हॅशटॅगही दिला.
दरम्यान, कार्तिक आर्यनच्या आगामी चित्रपटांबाबत बोलायचं झाल्यास तो ‘आशिकी ३’ मध्ये दिसणार आहे. या चित्रपटात कार्तिक मुख्य भूमिकेत आहे. याशिवाय कार्तिककडे हंसल मेहताचा ‘कॅप्टन इंडिया’, कबीर खानचा ‘चंदू चॅम्पियन’ आणि ‘भूल भुलैया ३’ चित्रपटदेखील आहे.
