“तो त्याच्या रूममध्ये कधीच…”, अभिनेते मुकेश ऋषी यांनी सांगितला सलमान खानबरोबर काम करण्याचा अनुभव

काय म्हणाले मुकेश ऋषी?

अभिनेते मुकेश ऋषी यांनी नुकतीच रेडिओ नशाला मुलाखत दिली. या मुलाखतीत त्यांनी सलमान खानबरोबर काम करण्याचा अनुभव कसा होता याबद्दल वक्तव्य केले आहे. ते म्हणतात, “सलमान कधीच त्याच्या रूममध्ये थांबत नसे. त्याला त्याच्या मित्रांबरोबर बाहेर जायला आवडायचे. तो अनेकदा बारमध्ये आनंद घेत असायचा आणि आजही तो तसाच आहे. आम्ही शूटिंग व्यक्तिरिक्त खूप एकत्र वेळ घालवला आहे. शूटिंग झाल्यानंतर आम्ही दोघे एकत्र व्यायाम करायचो, कधी बाहेर फिरायला जायचो. आम्ही जेव्हा एकमेकांबरोबर काम करत होतो, त्याचवेळी आम्ही एकमेकांना जाणूनदेखील घेत होतो. त्यामुळे आम्हाला एकमेकांप्रति आदर वाटतो. ही मला आमच्या दोघांमधील आवडणारी गोष्ट आहे. त्याच्याबरोबर पाच चित्रपटांत काम करताना मजा आली, असे मुकेश ऋषी यांनी म्हटले आहे.” ‘जुडवा’ , ‘तुमको ना भूल पाएँगे’, ‘गर्व’, ‘बंधन’, ‘फटा पोस्टर निकला हिरो’ या चित्रपटांत दोघांनी एकत्र काम केले आहे.

हेही वाचा: “मला बिग बॉसच्या ओटीटीच्या ट्रॉफीपेक्षा पैशांची…”, अभिनेता रणवीर शौरीचे ‘ते’ वक्तव्य चर्चेत

सलमान खानच्या कामाबद्दल बोलायचे तर तो ‘टायगर ३’मध्ये कतरिना कैफ आणि इमरान हाश्मी यांच्याबरोबर मुख्य भूमिकेत दिसला होता. २०२३ सालच्या दिवाळीत हा चित्रपट प्रदर्शित झाला होता. ‘टायगर ३’ने बॉक्स ऑफिसवर २५० कोटी रुपयांची कमाई केली होती. आता बॉलीवूडचा भाईजान २०२५ मध्ये प्रदर्शित होणाऱ्या ‘सिंकदर’ या चित्रपटात मुख्य भूमिकेत दिसणार असून चाहते या चित्रपटाची मोठ्या उत्सुकतेने वाट पाहताना दिसत आहेत. हा अ‍ॅक्शन थ्रीलर चित्रपट असून २०२५ ला ईदच्या वेळी हा चित्रपट प्रदर्शित होणार आहे. याशिवाय रजनीकांत यांची मुख्य भूमिका असलेल्या अ‍ॅटली दिग्दर्शित चित्रपटातदेखील सलमान खान दिसण्याची शक्यता असल्याचे म्हटले जात आहे.

मुकेश ऋषी हे ‘साजन चले ससुराल’, ‘घटक’, ‘जुडवा’, ‘गुंडा’, ‘सरफरोश’, ‘सूर्यवंशम’, ‘खिलाडी ४२०’, ‘कोई मिल गया’ अशा अनेक लोकप्रिय चित्रपटांसाठी ओळखले जातात. २०२२ मध्ये प्रदर्शित झालेल्या ‘बिफोर यू डाय’ या चित्रपटात ते महत्त्वाच्या भूमिकेत दिसले होते.