“गाडी गेट तोडून समोरच्या नाल्यात गेली अन्…”, रोहित शेट्टीने सांगितला बालपणीचा ‘तो’ किस्सा, म्हणाला, “त्यानंतर वडिलांनी…”

‘स्कूल, कॉलेज आणि लाइफ’ चित्रपटाच्या निमित्ताने रोहित शेट्टीने नुकतीच लोकमत फिल्मीला मुलाखत दिली. या मुलाखतीत त्याने वैयक्तिक आयुष्यातील अनेक किस्से सांगितले. चित्रपटांमध्ये गाड्यांची धमाकेदार अॅक्शन दाखवणाऱ्या रोहित शेट्टीला लहानपणापासूनच गाड्यांचं वेड होतं. याबाबतचा एक किस्सा रोहित शेट्टीने मुलाखतीत सांगितला.

हेही वाचा>> “पोलिसांचं आयुष्य फार कठीण आहे”, रोहित शेट्टीचं वक्तव्य, म्हणाला “सिंघम चित्रपटामुळे…”

“मी सात-आठ वर्षांचा होतो. तेव्हा माझ्या वडिलांनी नवीन ऑटोमेटेड एसयुव्ही गाडी खरेदी केली होती. ती गाडी ऑटोमेटेड असल्यामुळे लगेच सुरू होते, हे मला माहीत होतं. माझे वडील झोपलेले असताना मी गाडीची चावी घेतली आणि ती सुरू केली. मी तेव्हा खूप लहान होतो. त्यामुळे एक्सलेटरवर पाय पडल्यानंतर गाडीवरचा माझा कंट्रोल सुटला. ती गाडी घराचा गेट तोडून, रस्त्यापलीकडे असलेल्या नाल्यात गेली. त्यानंतर माझ्या वडिलांनी पुन्हा असं करू नकोस, असं मला बजावलं,” असं रोहितने सांगितलं.

हेही वाचा>> पतीचं मेहुणीबरोबर अफेअर, घटस्फोट देत केलेलं दुसरं लग्न अन्…; मृत्यूनंतर तीन दिवस घरातच पडून होता प्रसिद्ध अभिनेत्रीचा मृतदेह

रोहित शेट्टीची निर्मिती असलेला ‘स्कूल, कॉलेज आणि लाइफ’ हा चित्रपट १४ एप्रिलला सर्वत्र प्रदर्शित झाला आहे. या चित्रपटात अभिनेत्री तेजस्वी प्रकाश व करण किशोर मुख्य भूमिकेत आहेत. अभिनेता जितेंद्र जोशीनेही चित्रपटात महत्त्वाची भूमिका साकारली आहे.