scorecardresearch

Premium

“मी चित्रपट दोनदा पाहिला आणि…”, ‘सॅम बहादुर’बद्दल सॅम माणेकशा यांच्या मुलीची प्रतिक्रिया; म्हणाल्या, “जेव्हा विकी…”

‘सॅम बहादुर’ हा चित्रपट पाहिल्यानंतर त्यांच्या मुलीने व्यक्त केल्या भावना, विकीचा उल्लेख करत म्हणाल्या…

sam manekshaw daughter reaction on sam bahadur movie
सॅम माणेकशा यांच्या मुलीची प्रतिक्रिया (फोटो – इंडियन एक्सप्रेस आणि इन्स्टाग्राम)

फिल्ड मार्शल सॅम माणेकशा यांच्या जीवनावर आधारित ‘सॅम बहादुर’ हा चित्रपट १ डिसेंबर रोजी प्रदर्शित होणार आहे. या चित्रपटाच्या निमित्ताने अभिनेता विकी कौशल आणि चित्रपटाची निर्माती मेघना गुलजार इंडियन एक्सप्रेसचा खास कार्यक्रम ‘एक्सप्रेस अड्डा’मध्ये हजेरी लावली. सॅम बहादुर नावाने ओळखल्या जाणाऱ्या सॅम माणेकशा यांचा भारतीय लष्करातील प्रवास या चित्रपटातून प्रेक्षकांना पाहता येणार आहे. हा चित्रपट पाहिल्यानंतरच्या भावना त्यांच्या मुलीने व्यक्त केल्या आहेत.

सॅम माणेकशा यांची मुलगी माया या मुलाखतीसाठी ‘एक्सप्रेस अड्डा’मध्ये उपस्थित होत्या. यावेळी माया यांनी चित्रपट पाहिल्यानंतर त्यांची प्रतिक्रिया दिली. चित्रपटातील कोणता क्षण सर्वात जास्त मनाला स्पर्शून जाणारा ठरला, याबाबतही माया यांनी सांगितलं. हा चित्रपट संपूर्ण भारताला त्यांचा अभिमान वाटावा यासाठीच निर्मात्यांनी बनवला आहे, असं विधान माया यांनी कार्यक्रमात केलं. चित्रपटातील शेवटच्या सीनचा उल्लेख करत त्या म्हणाल्या, “मी चित्रपट दोनदा पाहिला आणि दोन्ही वेळा रडले. शेवटच्या दोन सेकंदात जेव्हा विकी प्रेक्षकांकडे पाहून हसतो ते पाहून मनात कालवाकालव होते.”

tcs ceo kritiwassan
वर्क फ्रॉम होम फायद्याचं की तोट्याचं? टीसीएसच्या सीईओंनी स्पष्टच सांगितलं, म्हणाले…
China-India relations
Indo-China relations: चीनचा महत्त्वाकांक्षी लष्करी प्रकल्प ‘शाओकांग’ आहे तरी काय?
Sania Mirza Emotional Post
सानिया मिर्झाची पोस्ट वाचून तुमच्याही डोळ्यात येईल पाणी, “मुलासाठी तुम्ही..”
Vivek Agnihotri post about mahatma gandhi
“गांधीजींनी एका हिंदू भजनात ‘ईश्वर अल्लाह तेरो नाम’ हे शब्द टाकून…”, विवेक अग्निहोत्रींची पोस्ट; म्हणाले, “त्यांचे शेवटचे शब्द…”

दरम्यान, ‘सॅम बहादुर’ चित्रपटात विकी कौशल मुख्य भूमिकेत आहे. तर अभिनेत्री सान्या मल्होत्रा ही सॅम माणेकशा यांच्या पत्नीची भूमिका केली आहे. अभिनेत्री फातिमा सना शेख हिने या चित्रपटात भारताच्या माजी पंतप्रधान इंदिरा गांधी यांची भूमिका साकारली आहे. १ डिसेंबर रोजी हा चित्रपट सिनेमागृहांमध्ये प्रदर्शित होईल. याच दिवशी रणबीर कपूरचा ‘अॅनिमल’ चित्रपटही रिलीज होणार आहे.

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sam manekshaw daughter reaction on sam bahadur movie vicky kaushal hrc

First published on: 27-11-2023 at 20:21 IST

संबंधित बातम्या

तुम्ही या बातम्या वाचल्या आहेत का? ×