“कोणीच मला अ‍ॅक्शनपटामध्ये घेत नव्हतं अन् आता…” मी ५७ वर्षांचा आहे म्हणत शाहरुख खानचा खुलासा

आणखी वाचा – आठ वर्षांच्या रिलेशनशिपनंतर लग्न, काही महिन्यांतच घटस्फोट, आता अपूर्वा नेमळेकरला करायचंय स्वयंवर, म्हणाली…

‘हिंदुस्तान टाइम्स’ने दिलेल्या वृत्तानुसार, शाहरुख म्हणाला, “मी कधीच अ‍ॅक्शनपटात काम केलं नाही. सुंदर प्रेमकथेवर आधारित चित्रपट, सामाजिक विषयावर आधारित चित्रपट मी केले. नकारात्मक भूमिका मी रुपेरी पडद्यावर साकारल्या. पण कोणीच मला अ‍ॅक्शनपटामध्ये घेत नव्हतं.”

“आता मी ५७ वर्षांचा आहे. पुढील काही वर्ष मला अ‍ॅक्शनपटात काम करायचं आहे. ‘मिशन इम्पॉसिबल’सारखे चित्रपट मला करायचे आहेत. अगदी टॉपचे अ‍ॅक्शनपट चित्रपट करण्याची माझी इच्छा आहे.” शाहरुख पुढील दहा वर्ष तरी फक्त अ‍ॅक्शनपट चित्रपटच करणार आहे. तसेच टॉपचे अ‍ॅक्शनपट चित्रपट करण्याची इच्छाही यावेळी त्याने बोलून दाखवली.

आणखी वाचा – Video : “प्रेमात पडले कोल्हापूरच्या, पाहून शाही थाट…” लाजत मुरडत पाठकबाईंचा राणादासाठी खास उखाणा

राजकुमार हिरानी यांच्या ‘डंकी’ चित्रपटामध्येही शाहरुख मुख्य भूमिका साकारताना दिसणार आहे. या चित्रपटाच्या चित्रीकरणाच्या तयारीत सध्या शाहरुख आहे. येत्या २५ जानेवारीला शाहरुखचा ‘पठाण’ चित्रपट बॉक्सऑफिसवर दाखल होईल.