‘पठाण’ला बॉयकॉट करणाऱ्यांवर प्रकाश राज यांनी साधला निशाणा; ट्वीट करत म्हणाले…

प्रसिद्ध अभिनेते प्रकाशराज सोशल मीडियावर सक्रीय असतात. सामाजिक मुद्दे, विशेष करून मोदी सरकारवर ते कायमच टीका करत असतात. शाहरुखच्या ‘पठाण’वर त्यांनी ट्वीटवर लिहले आहे, “बॉयकॉट करणाऱ्यांनो shhh, किंग खान परत आला आहे. कीप रॉकिंग दीपिका पदुकोण, जॉन अब्राहम आणि पठाणची संपूर्ण टीम,” अशा शब्दात त्यांनी आपल्या भावना व्यक्त केल्या आहेत.

“…तर राज्यभर आंदोलन करू” मनसेचा मल्टिप्लेक्स मालकांना इशारा; म्हणाले, ‘पठाण’ला विरोध…

पठाण’ आज जगभरात प्रदर्शित झाला, पण मध्य प्रदेशमधील इंदूरमध्ये काही गटांच्या विरोधानंतर चित्रपटाचे शो रद्द करण्यात आले होते. पण, हे प्रकरण लवकर मिटवण्यात यश आलं असून दुपारनंतर त्याचे शो सुरू झाले. पहिल्याच दिवशी ‘पठाण’ला मोठ्या पडद्यावर पाहण्यासाठी देशभरातील चित्रपटगृहांबाहेर प्रेक्षक अक्षरशः मोठ्या संख्येने रांगा लावत आहेत.

‘पठाण’मध्ये शाहरुखसह दीपिका पदुकोण, जॉन अब्राहम, आशुतोष राणा आणि डिंपल कपाडिया यांच्याही महत्त्वपूर्ण भूमिका आहेत. तसेच चित्रपटात सलमान खानची झलक पाहायला मिळणार आहे त्यामुळे प्रेक्षक आता चित्रपटगृहांमध्ये गर्दी करत आहेत.