Video: चाहती चक्कर येऊन कोसळल्याचे पाहताच वरुण धवनने पुढे केला मदतीचा हात, होतोय कौतुकाचा वर्षाव

वरुण-क्रिती चित्रपटाच्या प्रमोशनमध्ये कोणतीही कसर सोडू इच्छित नाहीत. पण हे करताना ते दोघेही त्यांचे सामाजिक भान जपत आहेत. वरुण हा जितका चांगला अभिनेता आहे तितकाच चांगला माणूसही आहे. ज्यांना मदतीची गरज असेल त्यांना मदत करण्यासाठी वरुण नेहमीच पुढे असतो. यापूर्वी त्याने अनेक कार्यक्रमात तो किती सुजाण नागरिक आहे हे त्याने दाखवून दिलं आहे. आताही या चित्रपटाच्या प्रमोशनच्या निमित्ताने पुन्हा एकदा त्याची ही बाजू सगळ्यांसमोर आली.

आणखी वाचा : बालदिनाच्या दिवशी करण जोहर घेऊन आला लोकप्रिय ‘डिस्को दिवाने’ गाण्याचं नवीन व्हर्जन, व्हिडीओ व्हायरल

वरुण आणि क्रिती नुकतेच भेडिया या चित्रपटाच्या प्रमोशनच्या निमित्ताने जयपूरला गेले होते. तेथे ते विविध कार्यक्रमांमध्ये सहभागी झाले. तसेच महाविद्यालयांना त्यांनी भेट दिली. वरुण आणि क्रिती आपल्या कॉलेजमध्ये येणार हे कळताच विद्यार्थ्यांनी खूप गर्दी केली होती. अनेकजण तर सकाळपासून रांगेत थांबले होते. अशातच वरुण आणि क्रिती या चित्रपटाचे प्रमोशन करत असताना एका विद्यार्थिनीला चक्कर आली आणि ती जमिनीवर कोसळली.

हेही वाचा : वरुण धवनने व्यक्त केली दक्षिणात्य चित्रपटांत काम करण्याची इच्छा; म्हणाला, “बॉलिवूडमध्ये आता…”

आपली चाहती चक्कर येऊन जमिनीवर कोसळलेली पाहताच वरुणने तो कार्यक्रम थांबवायला सांगितला. इतकच नाही तर त्याने तिला पाणीही दिले. तिला बरे वाटेपर्यंत तो तिथेच होता. ती शुद्धीवर आल्यावर त्याने तिची चौकशीही केली. तिला बरं वाटतं आहे हे कळल्यावरच त्याने पुढील कार्यक्रमाला सुरुवात केली. वरुणचे या दरम्यानचे काही फोटो आणि व्हिडिओ सध्या सोशल मीडियावर खूप व्हायरल होत असून सर्वजण वरुणाच्या या कृतीचे कौतुक करत आहेत.