अभिनेता विकी कौशल आणि अभिनेत्री कटरीना कैफ ही मनोरंजन सृष्टीतील एक अत्यंत लोकप्रिय जोडी आहे. ती दोघंही त्यांच्या केमिस्ट्रीमुळे नेहमीच चर्चेत असतात. तसाच प्रत्येक वेळी ते एकमेकांच्या कामांचंही भरभरून कौतुक करताना दिसतात. विकी हा कतरीनाच्या कामाचा चाहता आहे हे त्याने अनेक मुलाखतींमध्ये सांगितलं आहे. आता त्याने कतरीनाच्या गाजलेल्या आयटम सॉंगवर ठेका धरला.
विकी सध्या त्याच्या आगामी ‘गोविंदा नाम मेरा’ या चित्रपटामुळे चर्चेत आहे. या चित्रपटाचा ट्रेलर नुकताच प्रदर्शित झाला. या दरम्यानच्या कार्यक्रमात त्याने कटरीना कैफच्या ‘चिकनी चमेली’ या गाण्यावर नाच केला.
आणखी वाचा : “प्रेक्षक खूप हुशार झालेत आणि…” बॉलिवूड चित्रपट अयशस्वी होण्याबद्दल अजय देवगणचं मोठं वक्तव्य
विकीचा एक व्हिडिओ सध्या सोशल मीडियावर तुफान व्हायरल होतोय. हा व्हिडिओ आहे ‘गोविंदा मेरा नाम’ या चित्रपटाच्या ट्रेलर लॉन्चचा. या व्हिडिओमध्ये विकी भूमी पेडणेकर आणि कियारा अडवाणी हिच्याबरोबर स्टेजवर उभा असलेला दिसत आहे. यावेळी त्याने ‘चिकनी चमेली’ या गाण्याची हुकअप स्टेप केली. अत्यंत आनंद घेत त्याने या गाण्यावर नाच केला. त्याच्या या नाचावर प्रेक्षकही फिदा झाले.
‘गोविंदा नाम मेरा’ हा चित्रपट ‘डिज्नी प्लस हॉटस्टार’वर १६ डिसेंबर रोजी प्रदर्शित होणार आहे. या चित्रपटाचे दिग्दर्शन शशांक खैतान यांनी केले असून करण जोहरच्या धर्मा प्रोडक्शनने याची निर्मिती केली आहे. या चित्रपटात विकी कौशल, कियारा अडवाणी, भूमी पेडणेकर प्रमुख भूमिकेत दिसणार आहेत. भूमी पेडणेकर यात विकी कौशल्याच्या पत्नीच्या भूमिकेत दाखवली आहे तर विकी दुसरीकडे कियाराबरोबर रोमान्स करताना दिसून आला आहे. चित्रपटाच्या ट्रेलरवरून तरी असं दिसत आहे हा चित्रपट मर्डर मिस्ट्रीवर आधारित असेल. पहिल्यांदाच हे तीन कलाकार एकत्र काम करताना दिसत आहेत. या ट्रेलरमुळे सहाजिकच त्यांचे चाहते चित्रपट बघण्यास उत्सुक आहेत.
