कार्तिक आर्यनच्या ४.७ कोटींच्या सुपर कारमध्ये उंदीर घुसले अन्…; अभिनेत्याला आलेला लाखो रुपयांचा खर्च

२०११ मध्ये ‘प्यार का पंचनामा’ मधून करिअरची सुरुवात करणारा कार्तिक आत्तापर्यंत अनेक चित्रपटांमध्ये झळकला आहे. त्याचा ‘भूल भुलैया २’ हा चित्रपट २०२२ मध्ये रिलीज झाला होता. करोना नंतरच्या काळात सिनेमागृहे पुन्हा उघडल्यानंतर जे मोजकेच चित्रपट हिट झाले होते, त्यापैकी एक कार्तिकचा हा सिनेमा होता. हा चित्रपट ब्लॉकबस्टर झाल्यानंतर, टी-सीरीजचे मालक भुषण कुमार यांनी कार्तिक आर्यनला ४.७ कोटी रुपयांची मॅक्लारेन जीटी कार भेट दिली होती, त्याच कारशी संबंधित हा किस्सा आहे.

मुंबई सोडून कुटुंबासह विदेशात स्थायिक झालीये मराठमोळी अभिनेत्री; कारण सांगत म्हणाली, “मला कामाच्या ऑफर…”

कार्तिकला भुषण कुमार यांनी ही कार भेट केल्यावर त्याने ती काही काळ चालवली होती, मग ती गॅरेजमध्ये पार्क केली होती. ‘द लल्लनटॉप’ला दिलेल्या मुलाखतीत कार्तिक म्हणाला, “मी ही कार गॅरेजमध्ये पार्क केली होती, पण तिचे मॅट्स उंदरांनी कुरतडले, त्यामुळे मी बराच काळ ती कार वापरू शकलो नाही. मी दुसरी कार वापरत होतो. मॅक्लारेन जीटी कारमधील कुरतडलेले मॅट्स दुरुस्त करून घेण्यासाठी मला लाखो रुपये मोजावे लागले होते.”

शाहरुख खान मध्यरात्री कर्मचाऱ्याच्या झोपडपट्टीतील घरी जायचा, प्रसिद्ध कॉमेडियनचा दावा; म्हणाला, “मी तिथे भाड्याने…”

भुषण कुमार यांनी कार्तिकला भेट दिलेली मॅक्लारेन जीटी ही या ब्रँडची भारतातील पहिली कार होती. ही केशरी रंगाची कार आहे. ही एक सुपर कार आहे. या कारचा ताशी वेग ३२६.७ किलोमीटर आहे. ती ३.१ सेकंदात एका किमीवरून १०० किमी वेग गाठू शकते. कार्तिकने त्याच्या इन्स्टाग्राम अकाउंटवर या कारचे बरेच फोटो शेअर केले आहेत.

अ‍ॅक्शन नाही अन् रोमान्सही नाही, १५ कोटींमध्ये बनलेल्या ‘या’ सिनेमाने कमावले १०२ कोटी, कुठे पाहता येणार? वाचा

‘भूल भुलैया २’ आधी कार्तिक आणि भुषण यांनी पहिल्यांदा ‘सोनू के टीटू की स्वीटी’ या हिट चित्रपटात एकत्र काम केलं होतं. हा चित्रपट २०१८ मध्ये आला होता. ‘भूल भुलैया २’ च्या यशानंतर त्यांनी क्रिती सेनॉन व कार्तिकबरोबर ‘शेहजादा’ बनवला, पण हा चित्रपट बॉक्स ऑफिसवर कमाल दाखवू शकला नाही. कार्तिक पुढे कबीर खानच्या ‘चंदू चॅम्पियन’मध्ये दिसणार आहे. हा चित्रपट १४ जुनला रिलीज होतोय. तसेच तो या वर्षाच्या अखेरीस ‘भूल भुलैया ३’ मध्ये भुषण कुमारबरोबर काम करत आहे.