Entertainment News Updates: “या घृणास्पद कृत्याविरुद्ध…”, पहलगाम हल्ल्यावर शाहरुख खानची पोस्ट, म्हणाला…

पहलगाममधील दहशतवादी हल्ल्यानंतर कलाकार मंडळी सोशल मीडियाद्वारे आपल्या भावना व्यक्त करत आहेत. यासंदर्भात नुकतीच शाहरुख खानने इ्न्स्टाग्राम स्टोरी शेअर केली आहे. त्याने लिहिलं की, पहलगाममध्ये घडलेल्या विश्वासघातकी, अमानवीय हिंसाचाराबद्दल दुःख आणि संताप शब्दात व्यक्त करू शकत नाही. अशा वेळी फक्त देवा पुढे पीडित कुटुंबासाठी प्रार्थना करू शकतो आणि माझा शोक व्यक्त करू शकतो. एक राष्ट्र म्हणजे आपण एकजूट होऊन उभे राहू आणि या घृणास्पद कृत्याविरुद्ध न्याय मिळवू.

पहलगाम हल्ल्यावर अभिनेता अंशुमन विचारेने नुकतीच पोस्ट शेअर केली आहे. इन्स्टाग्राम स्टोरीवर लिहित अंशुमन म्हणाला, "पहलगाम नरसंहार अत्यंत भयानक आणि प्रचंड चीड आणणारा आहे. याला कारणीभूत असलेल्या प्रत्येक देशद्रोही दहशतवाद्यांचा कायमचा नायनाट हीच श्रद्धांजली असेल. आता यात राजकारण नको. नाहीतर अजून सामान्य माणसाला बळी जावं लागेल. "

पहलगाम दहशतवादी हल्ल्याबद्दल कलाकार मंडळी सध्या सोशल मीडियाच्या माध्यमातून संताप व्यक्त करत आहेत. नुकतीच तेजस्विनी पंडितने एक्स अकाउंटवर पोस्ट शेअर केली आहे. ज्यामधून तिने अनेक प्रश्न उपस्थित केले आहेत. तेजस्विनी म्हणाली, "अनेक प्रश्न मनात घिरट्या घालत आहेत…दहशतवाद्यांची जात दरवेळेला एकच कशी असते? हे हल्लेखोर तिथे स्थानिक मदतीशिवाय पोहोचू शकतात का? हिंदू राष्ट्रात, एक हाती हिंदू सरकारात इतर ही नाहीत पण हिंदूच सुरक्षित नाहीत? अशा घटना घडतात तेव्हा देशाच्या सुरक्षा व्यवस्थेवर, इंटेलिजन्सवर विश्वास कसा ठेवायचा? हे आपल्या भारत सरकारचं अपयश नाही? 'त्या हरामखोरांकडून' सुधारायची अपेक्षा कधी थांबवणार आपण? इतक्या हल्ल्यांनंतरही 'त्यांच्या' घरात घुसून त्यांना का नाही मारत आहोत आपण?निष्पाप लोकांचा जीव गेला, त्यांच्या परिवाराचं सांत्वन कसं करणार आपण?असे अनेक प्रश्न…तुम्हालाही हे भेडसावतात? काळी रात्र, सुन्न मन!"

प्रवीण तरडे यांच्या पत्नी अभिनेत्री, दिग्दर्शिका स्नेहल तरडेने पहलगाम येथील झालेल्या दहशतवादी हल्ल्याबद्दल नुकतीच पोस्ट शेअर केली आहे. स्नेहलने लिहिलं, "मला उघडपणे घाण बोलायचं आहे....खूप. एकांतात शिव्या देऊन मन शांत होणार नाही. त्यांनी उघडपणे गोळ्या झाडल्या आणि त्यांच्याबद्दल उघडपणे वाईट बोलायला विचार करावा लागतोय ही केवढी खेदाची बाब आहे."

https://www.instagram.com/p/DIxe8mkIxfB/