‘हाऊसफुल ५’ने १६ व्या दिवशी बॉक्स ऑफिसवर केली ‘इतक्या’ कोटींची कमाई; जाणून घ्या एकूण कलेक्शन

अक्षय कुमार, अभिषेक बच्चन व रितेश देशमुख अभिनित या मल्टीस्टारर चित्रपटाला समीक्षकांकडूनही चांगला प्रतिसाद मिळाला आहे.

आज चित्रपट प्रदर्शित होऊन १६ दिवस झाले आहेत. अशा परिस्थितीत आता शनिवारी ‘हाऊसफुल ५’ आकडे समोर आले आहेत. चला तर मग जाणून घेऊ आतापर्यंत त्याने किती कमाई केली आहे?

आठवड्याच्या शेवटी केली चांगली कमाई

‘हाऊसफुल ५’मध्ये अक्षय कुमार, रितेश देशमुख व अभिषेक बच्चन यांच्यासह संजय दत्त, जॅकी श्रॉफ, नाना पाटेकर, जॅकलिन फर्नांडिस, सोनम बाजवा, सौंदर्या शर्मा, चित्रांगदा सिंग, दिनो मोरिया व नर्गिस फाखरी हे कलाकार आहेत. प्रत्येकाने आपल्या विनोदाने प्रेक्षकांची मने जिंकली आहेत. या चित्रपटाला समीक्षकांकडूनही चांगला प्रतिसाद मिळाला आहे.

आता ‘हाऊसफुल ५’च्या समोर आमिर खानचा ‘सितारे जमीन पर’ उभा आहे. आमिरचा चित्रपट २० जून रोजी थिएटरमध्ये दाखल झाला आहे. त्यामुळे आता बॉक्स ऑफिसवर अक्षयच्या चित्रपटासाठी कठीण स्पर्धा आहे. ‘हाऊसफुल ५’ला पुन्हा एकदा आठवड्याच्या शेवटी फायदा झाला आहे. पहिल्या दिवशी त्याने २४ कोटी रुपयांची कमाई केली आणि आता त्याचे शनिवारचे कलेक्शन आले आहे.

सॅकनिल्कच्या सुरुवातीच्या अहवालानुसार, ‘हाऊसफुल ५’ने १६ व्या दिवशी देशांतर्गत बॉक्स ऑफिसवर २.२५ कोटी रुपये कलेक्शन केले. त्यामुळे आता त्याचे एकूण कलेक्शन १७२.३५ कोटी रुपये झाले आहे. त्याचे कलेक्शन आणखी वाढण्याची अपेक्षा आहे.

बॉक्स ऑफिसवर १६ दिवस घालवल्यानंतरही ‘हाऊसफुल ५’साठी सर्वांत मोठे आव्हान म्हणजे त्याचे बजेट वसूल करणे. चित्रपटाने आतापर्यंत १७२ कोटींपेक्षा जास्त कमाई केली आहे; परंतु चित्रपट अजूनही त्याच्या बजेटपासून खूप दूर आहे. चित्रपटाचे बजेट २२५ ते २३० कोटी असल्याचे सांगितले जाते. अशा परिस्थितीत चित्रपट अजूनही त्याच्या बजेटपासून खूप दूर आहे आणि चित्रपटाचे ते बजेट गाठणे कठीण वाटते.