‘कॉफी विथ करण ७’ या करण जोहरच्या कार्यक्रमामध्ये काही दिवसांपूर्वी संजय कपूरची पत्नी महीप कपूरने हजेरी लावली होती. यावेळी तिने आपल्या खासगी आयुष्याबाबत काही खुलासे केले. त्याचबरोबरीने संजय कपूर यांच्याकडे मध्यंतरीच्या काळामध्ये काहीच काम नसल्याचंही तिने यावेळी सांगितलं. तसेच कपूर कुटुंबामध्ये राहत असूनही आर्थिक परिस्थिती कशी कमजोर होत गेली याबाबत महीपा स्पष्टपणे बोलली.
आणखी वाचा – कतरिना कैफबरोबर परदेशात गेला होता रणबीर कपूर, अफेअरदरम्यानचे ‘ते’ खासगी फोटो व्हायरल झाले अन्…
काय म्हणाली महीप कपूर?
“एक वेळ अशी होती संजय कपूर यांच्या हाती काही काम नव्हतं. ते बरीच वर्ष घरीच होते. आर्थिक परिस्थितीही बिकट झाली होती. माझी मुलं ग्लॅमर आणि अशाप्रकारची परिस्थिती पाहत मोठी झाली आहेत.” संजय कपूर यांच्या हाती कामच नसल्याने त्यांच्या कुटुंबियांना आर्थिक परिस्थितीचाही सामना करावा लागला होता.
महीप पुढे म्हणाल्या, “त्यावेळी मला तुम्ही कपूर कुटुंबातील एक अयशस्वी भाग आहात हे माझ्या आजूबाजूच्या लोकांनी जाणवून दिलं.” कपूर कुटुंबात राहत असतानाही बऱ्याच कठीण प्रसंगांना संजय कूपर आणि त्यांच्या कुटुंबियांना सामोरं जावं लागलं.
संजय कपूर बोनी कपूर व अनिल कपूर यांचे छोटे भाऊ आहेत. महीप व संजय कपूरची मुलगी शनाया कपूर लवकरच बॉलिवूडमध्ये पदार्पण करणार आहे. करण जोहरच्या आगामी चित्रपटामध्ये ती महत्त्वाच्या भूमिकेमध्ये काम करताना दिसेल.
