प्रसाद खांडेकर दिग्दर्शित ‘एकदा येऊन तर बघा’ हा चित्रपट गेल्या काही दिवसांपासून सातत्याने चर्चेत आहे. या चित्रपटाचा टीझर, गाणी या सर्वांनीच लक्ष वेधून घेतले आहे. या चित्रपटात विशाखा सुभेदारबरोबर गिरीश कुलकर्णी, सयाजी शिंदे, भाऊ कदम, तेजस्विनी पंडित, पॅडी कांबळे, ओंकार भोजने, प्रसाद खांडेकर, राजेंद्र शिसातकर, नम्रता संभेराव, वनिता खरात, शशिकांत केरकर, रोहित माने, सुशील इनामदार, यांसारखी दिग्गज स्टारकास्ट दिसणार आहे. मात्र आता या चित्रपटाच्या प्रदर्शनाची तारीख बदलण्यात आली आहे.
‘एकदा येऊन तर बघा’ हा चित्रपट कौटुंबिक चित्रपट आहे. यात गिरीश कुलकर्णी आणि त्यांचे कुटुंबीय एका नव्याकोऱ्या हॉटेलची सुरूवात करतात. या नव्या हॉटेलमध्ये विविध अतरंगी पाहुण्याची एन्ट्री होते आणि त्यानंतर मग गोष्टी कशा बदलतात याचा आनंद प्रेक्षकांना घेता येणार आहे.
आणखी वाचा : ‘स्वराज्यरक्षक संभाजी’ मालिकेसाठी अश्विनी महांगडे मिळालेला नकार अन् त्यानंतर…; दिग्दर्शकाने सांगितला किस्सा
एकदा येऊन तर बघा हा चित्रपट शुक्रवारी २४ नोव्हेंबरला प्रदर्शित होणार होता. मात्र काही कारणात्सव या चित्रपटाच्या प्रदर्शनाची तारीख बदलण्यात आली आहे. आता येत्या ८ डिसेंबरला हा चित्रपट प्रदर्शित होणार आहे.
आणखी वाचा : ‘आली आली गं भागाबाई’ पारंपरिक गाणं नव्या रुपात प्रेक्षकांच्या भेटीला, पाहा व्हिडीओ
दरम्यान, या चित्रपटात तब्बल १६ विनोदवीर भूमिका साकारणार आहेत. या चित्रपटाच्या लेखन-दिग्दर्शनाची जबाबदारी प्रसाद खांडेकरने सांभाळली आहे. यात सयाजी शिंदे, गिरीश कुलकर्णी, तेजस्विनी पंडित, भाऊ कदम, ओंकार भोजने, प्रसाद खांडेकर, नम्रता संभेराव, विशाखा सुभेदार, पॅडी कांबळे, राजेंद्र शिसटकर, वनिता खरात, रोहित माने, शशिकांत केरकर, सुशील इनामदार, जय चौबे, राकेश शालिन यांचा समावेश आहे.
