पाळीव श्वानाशी इंग्रजीत बोलणाऱ्या प्रसाद ओकचा व्हिडीओ चर्चेत; धमाल कॉमेंट करत नेटकरी म्हणाले, “किती पेग…”

सध्या टेलिव्हिजनवर सुरू असलेल्या ‘महाराष्ट्राची हास्यजत्रा’ या कार्यक्रमामुळे प्रसाद ओक चांगलाच चर्चेत असतो. प्रसाद ओकबरोबरच त्याची पत्नी मंजिरी ओक हीसुद्धा या क्षेत्रात कार्यरत आहे. याबरोबरच हे दोघे सोशल मीडियावर चांगलेच सक्रिय असतात. नुकतेच मंजिरी ओक हिने प्रसादचा घरातील एक व्हिडीओ शेअर केला आहे, ज्यात प्रसाद त्याच्या घरातील पाळीव श्वान मस्कारा हिच्याशी गप्पा मारताना दिसत आहे.

आणखी वाचा : मध्य प्रदेश सरकारने ‘The Kerala Story’ केला टॅक्स फ्री; राज्याच्या मुख्यमंत्र्यांनी केले चित्रपट पाहायचे आवाहन

या व्हिडीओमध्ये प्रसाद मस्काराशी इंग्रजीत बोलताना दिसत आहे. हा व्हिडीओ शेअर करताना मंजिरीने लिहिले आहे की, “प्रसाद ते सगळे ठीकेय..पण तू इंग्लिश का झाडतोयस ?” प्रसाद जे काही बोलतो आहे ते ती मस्करा अगदी निमूटपणे ऐकत आहे आणि नंतर प्रसादला ती शेक हॅण्ड करतानाही दिसत आहे. प्रसाद ओकचा हा व्हिडीओ सोशल मीडियावर चांगलाच व्हायरल झाला आहे.

प्रसादच्या या व्हिडीओखाली बऱ्याच लोकांनी धमाल कॉमेंट केल्या आहेत. अमृता खानविलकर, क्रांती रेडकर, आदिनाथ कोठारे यांनीदेखील या व्हिडीओखाली हसण्याची इमोजी कॉमेंट केली आहे. याबरोबरच काही नेटकऱ्यांनी प्रसादचे इंग्रजी ऐकून भन्नाट कॉमेंट केल्या आहेत. एका युजरने कॉमेंट केली की “नक्की किती पेग झाले इंग्रजीचे?” एका युजरने लिहिले की, “दोन पेग जास्त झाले असतील तर आता तरी पार्टी दे.” शिवाय आणखी एका युजरने लिहिले की, “ही सगळी ओकस्मिथची कमाल नाही का?” एकूणच या धमाल कॉमेंट आणि प्रसादचा हा व्हिडीओ चांगलाच व्हायरल होत आहे.