‘ओपनहायमर’ पाहिल्यावर राम गोपाल वर्मा यांची भारतीयांबद्दल खोचक टिप्पणी; म्हणाले, “मला शंका…”

भारतात या चित्रपटाला उत्तम प्रतिसाद मिळत असून सामान्य प्रेक्षक, नोलनचे चाहते तसेच चित्रपट समीक्षक यांनी या चित्रपटाचं भरभरून कौतुक केलं आहे. बॉलिवूडमधील मंडळीसुद्धा नोलनच्या या चित्रपटाचं कौतुक करताना दिसत आहेत. प्रसिद्ध दिग्दर्शक राम गोपाल वर्मा यांनीसुद्धा ट्वीटच्या माध्यमातून ‘ओपनहायमर’चं कौतुक केलं.

आणखी वाचा : ‘ओपनहायमर’मधील सेक्स करताना भगवद्गीता वाचण्याचा सीन हटवणार; मंत्री अनुराग ठाकूर यांनी सेन्सॉर बोर्डला खडसावले

चित्रपटात सेक्स सीनदरम्यान भगवद्गीता वाचण्याच्या एका सीनवरुन सध्या चांगलाच वादंग निर्माण झाला आहे. याबद्दलसुद्धा राम गोपाल वर्मा यांइ ट्वीट करत भारतीयांचे कान खेचले आहे. आपल्या ट्वीटमध्ये राम गोपाल वर्मा लिहितात, “गंमतीची बाब अशी आहे की अमेरिकन अणुशास्त्रज्ञ ओपेनहाइमर यांनी भगवद्गीता वाचली, पण मला शंका आहे तीच भगवद्गीता ०.००००००१% भारतीयांनी तरी वाचली आहे की नाही?”

राम गोपाल वर्मा यांच्या या वक्तव्याचं बऱ्याच लोकांनी समर्थन केलं आहे. काही लोकांनी आकडे मांडून राम गोपाल वर्मा हे वस्तुस्थिती सांगत आहेत असंही म्हंटलं आहे. आहे.ओपनहायमर यांनी हिंदू धर्मातील वेद आणि भगवद्गीतेचा प्रचंड अभ्यास केला होता, चित्रपटातही या गोष्टीचा उल्लेख आला आहे. ओपनहायमर यांची भूमिका अभिनेता सिलियन मर्फीने केली आहे. त्याच्याबरोबरच रॉबर्ट डाउनी ज्युनिअर, मॅट डॅमन, एमिली ब्लंट, रामी मलिक यांच्याही महत्त्वाच्या भूमिका आहेत.