“मित्रांना माझ्यापेक्षा आईच जास्त…” श्वेता तिवारीच्या मुलीचं वक्तव्य चर्चेत

बॉलिवूड पदार्पणासाठी तयार असलेल्या पलक तिवारीनं नुकत्याच दिलेल्या मुलाखतीत सांगितलं की बरेचदा तिची आई श्वेता तिवारी तिची मोठी बहीण आहे असं अनेकांना वाटतं. आरजे सिद्धांत कन्ननला दिलेल्या मुलाखतीत पलक म्हणाली, “जेव्हा मी लहान होते तेव्हा मला माझ्या आईबद्दल बोललेलं ऐकायला आवडत असे. तसं तर माझी आजी मला नेहमी शाळेतून नेण्यासाठी यायची पण जेव्हा एक दिवस माझी आई मला घेण्यासाठी आली तेव्हा मला खूप आनंद झाला होता. मी खूप कूल होते की माझी आई किती हॉट आणि गुड लुकिंग आहे. सर्वजण तिच्याकडे पाहत आहेत. लोक माझ्या आईचं कौतुक करायचे आणि मलाही ते खूप आवडायचं. ती माझी आई आहे याचा मला अभिमान वाटायचा.”

आणखी वाचा- Video : बाबा सिद्दीकी यांच्या इफ्तार पार्टीत शहनाझ- शाहरुखमध्ये दिसलं खास बॉन्डिंग, व्हिडीओ चर्चेत

पलक पुढे म्हणाली, “मी आणि माझी आई आमचं एकमेकांशी खूप खास बॉन्डिंग आहे. एवढंच नाही तर आम्ही एकमेकांसोबत आमच्या क्रशबद्दलही बोलतो. माझी आई माझ्या एका मित्राची क्रश होती. ही थोडी विचित्र गोष्ट आहे. मी अनेकदा माझ्या मित्रांना ओरडले आहे. त्यांनी मला थेट माझ्या आईवर क्रश असल्याचं सांगितलं नाही. मात्र ते, ‘तुझी आई किती हॉट आहे’ असं अनेकदा म्हणतात. तेव्हा मी त्यांना सांगते हे आईने ऐकलं तर ती नक्कीच तुमची धुलाई करेल.”

आणखी वाचा- प्रियांका चोप्राच्या परदेशातल्या हॉटेलमध्ये कशी आहे भारतीय पदार्थांची चव? बॉलिवूड दिग्दर्शकानं सांगितलं सत्य

दरम्यान पलक तिवारीनं अलिकडेच हार्डी संधूसोबत ‘बिजली बिजली’ म्यूझिक व्हिडीओसाठी काम केलं होतं. जो खूप लोकप्रिय ठरला होता. लवकरच ती विशाल मिश्रा यांचा हॉरर थ्रिलर चित्रपट ‘Rosie The Saffron Chapter’ ज्यात तिच्यासोबत अभिनेता विवेक ऑबेरॉय मुख्य भूमिकेत दिसणार आहे. तसेच मल्लिका शेरावत आणि अरबाज खान यांच्याही महत्त्वपूर्ण भूमिका आहेत.