अभिनेत्री अदिती द्रविड हिने आतापर्यंत विविध मालिकांमधून तिच्या सहजसुंदर अभिनयाने प्रेक्षकांना भुरळ घातली. ती ‘सुंदरा मनामध्ये भरली’ या मालिकेत झळकली. या मालिकेत तिने नंदिनी हे पात्र साकारलं होतं. तर आता या मालिकेसाठी तिला किती मानधन मिळालं हे तिने सांगितलं आहे.
अदिती सोशल मीडियावरून तिच्या चाहत्यांच्या नेहमीच संपर्कात असते. तिच्या कामाबरोबरच तिच्या वैयक्तिक आयुष्यातील घडामोडी ती सोशल मीडियावरून शेअर करत असते. तर आता तिचा तिच्या चाहत्यांशी संवाद साधण्यासाठी इन्स्टाग्रामवर ‘आस्क मी एनीथिंग’ हे सेशन घेतलं. या सेशनदरम्यान तिने तिच्या चाहत्यांच्या बऱ्याच प्रश्नांना उत्तर दिली.
या सेशनमध्ये एका चाहत्याने तिला विचारलं, “सुंदरा मनामध्ये भरली मालिकेसाठी तुला मानधन किती मिळालं?” त्यावर अदितीने चतुराईने उत्तर दिलं. या मालिकेतील कलाकारांबरोबरचा एक फोटो शेअर करत तिने लिहिलं, “सुंदरा ची माझी कमाई.” तर आता तिने दिलेल्या या उत्तराने सर्वांचं लक्ष वेधून घेतलं आहे.
