अभिनेता प्रसाद जवादे व अभिनेत्री अमृता देशमुख हे सध्या चांगलेच चर्चेत आहेत. १८ नोव्हेंबरला प्रसाद व अमृताने लग्नगाठ बांधली. सोशल मीडियावर त्यांच्या लग्नाचे व्हिडीओ मोठ्या प्रमाणात व्हायरल झाले होते. प्रसाद आणि अमृता सोशल मीडियावर मोठ्या प्रमाणात सक्रिय असतात. निरनिराळे व्हिडीओ आणि फोटो शेअर करीत ते चाहत्यांना अपडेट देत असतात. दरम्यान, अमृताने तिचा नवरा प्रसाद याच्या वाढदिवासानिमित्त एक खास पोस्ट शेअर केली आहे.
अमृताने आपल्या इन्स्टाग्रामवर प्रसादचा एक व्हिडीओ शेअर केला आहे. या व्हिडीओमध्ये अमृताने प्रसादचे निरनिराळे मूड स्विंग दाखवले आहेत. हा व्हिडीओ शेअर करीत अमृताने ‘हॅपी बर्थडे अहो’ अशी कॅप्शनही दिली आहे. सोशल मीडियावर अमृताचा हा व्हिडीओ व्हायरल झाला आहे. अनेक चाहत्यांनी या फोटोखाली कमेंट्स करीत प्रसादला वाढदिवसाच्या शुभेच्छा दिल्या आहेत.
लग्नानंतरचा प्रसादचा हा पहिला वाढदिवस आहे. त्यामुळे हा वाढदिवस प्रसादसाठी जास्त खास आहे. अमृताने शेअर केलेल्या व्हिडीओवर अभिजीत खांडकेकर, रश्मी अनपट यांसारख्या कलाकारांनाही कमेंट्स करीत प्रसादला वाढदिवसाच्या शुभेच्छा दिल्या आहेत.
प्रसाद आणि अमृता सध्या लग्नानंतरचे दिवस एन्जॉय करताना दिसत आहेत. ‘बिग बॉस मराठी’च्या चौथ्या पर्वातून प्रसाद आणि अमृता घराघरांत पोहोचले. जुलै महिन्यात प्रसाद आणि अमृताने सोशल मीडियावर फोटो शेअर करीत आपल्या प्रेमाची कबुली दिली होती. गुपचूप साखरपुडा उरकल्यानंतर काही दिवसांपूर्वीच प्रसाद आणि अमृताचा शाही विवाहसोहळा पार पडला. या विवाहसोहळ्यात कुटुंबीय, जवळच्या नातेवाइकांबरोबरच मनोरंजन क्षेत्रातील अनेक कलाकारांनीही हजेरी लावली होती.
