Video: ‘बिग बॉस मराठी’ फेम इरिनाचा गणेशोत्सवात जबरदस्त डान्स, नेटकरी कौतुक करत म्हणाले, “ही आपली संस्कृती आहे…”

‘बिग बॉस मराठी’च्या पाचव्या पर्वातील चौथ्या आठवड्यात इरिना घराबाहेर झाली. पण घराबाहेर झाल्यानंतरही इरिना तितकीच चर्चेत असते. नुकतंच तिने पुण्यातील मानाचा गणपती आणि भारतातील पहिला सार्वजनिक गणेश मंडळाच्या बाप्पाचं म्हणजेच भाऊसाहेब रंगारी गणपतीचं दर्शन घेतलं. यावेळी तिच्या हस्ते बाप्पाची आरती झाली. एवढंच नव्हे तर यावेळी इरिना बेभान डान्स करताना दिसली. याचा व्हिडीओ तिने इन्स्टाग्रामवर शेअर केला असून तिचं कौतुक होतं आहे.

हेही वाचा – “आता मी ट्रॉफी आणि जावई घेऊनच येते घरी”, अंकिता वालावलकरच्या ‘त्या’ पोस्टने वेधलं लक्ष, म्हणाली, “बाबा…”

एका नेटकऱ्याने लिहिलं आहे, “बाहेरच्या देशातून येऊनही आपली संस्कृती जपतेय. खूप छान.” तर दुसऱ्या नेटकऱ्याने लिहिलं, “खरंतर इरिना महाराष्ट्रात जन्माला यायला पाहिजे होती. चुकून रशियात गेली.” तसंच तिसऱ्या नेटकऱ्याने लिहिलं की, अंगभर कपडे. ही आपली संस्कृती आहे. व्वा इरिना छान वाटलं. चौथ्या नेटकऱ्याने लिहिलं आहे, “व्वा इरिना मस्त. बाहेरची असूनही महाराष्ट्राची संस्कृती जपतेस.” पाचव्या नेटकऱ्याने लिहिलं की, बाहेरच्या देशातील असूनही भारतीय संस्कृती तू जपतेस खरंच तुला मानलं…एकदम मस्त.

हेही वाचा – “अभी तो खेल शुरु हुआ हैं…” म्हणत विशाखा सुभेदारने पंढरीनाथ कांबळेचं केलं कौतुक, म्हणाली, “अंदाजे तुझं वय वर्षे ५२ असावं, पण…”

‘बिग बॉस मराठी’च्या घरातून बाहेर पडल्यानंतर इरिना काय म्हणाली?

दरम्यान, एलिमिनेट झाल्यानंतर इरिना सर्व सदस्यांना जाताना म्हणाली होती की, तुमच्यासाठी काहीपण…मी हा खेळ खेळण्यासाठी माझे १०० टक्के दिले. जर मी कोणाला दुखावलं असेल तर, प्लीज मला माफ करा. सर्वांना खूप खूप शुभेच्छा. नेहमी तुम्ही सगळे आहात तसेच वागा. सगळ्यांना ट्रॉफी हवीये… सगळ्यांना गेम खेळायचाय पण, तुम्ही जसे आहात तसेच राहा. त्यानंतर तिने स्वतःच्या म्युच्युअल फंडचा वारसदार वैभवला करत त्याच्या खात्यात ५० पॉईंट्स जमा केले.