खरा कोकणी माणूस! रेल्वे अन् एसटीतून प्रवास करत चिपळूणला पोहोचला प्रसिद्ध अभिनेता, नेटकरी म्हणाले…

‘महाराष्ट्राची हास्यजत्रा’ हा विनोदी कार्यक्रम आज घराघरांत लोकप्रिय आहे. या मालिकेतील प्रत्येक कलाकाराने प्रेक्षकांचं मन जिंकून घेतलंय. या कार्यक्रमामुळे अनेक नवोदित कलाकार प्रसिद्धीझोतात आले. यापैकी एक म्हणजेच निखिल बने. दरवर्षी सणउत्सवानिमित्त निखिल आपल्या गावी कोकणात जातो. त्याने नुकताच शेअर केलेला एक व्हिडीओ सध्या सर्वत्र चर्चेत आला आहे.

हेही वाचा : ठरलं तर मग : अर्जुन-चैतन्यमध्ये दिलजमाई! अखेर साक्षीचा खोटेपणा होणार उघड, साखरपुडा मोडणार? पाहा नवीन प्रोमो…

निखिल बने चक्क दिवा-सावंतवाडी गाडीच्या गर्दीतून प्रवास करत चिपळूणला पोहोचला. एवढंच नव्हे तर चिपळूणवरून मूळ गावी जाण्यासाठी निखिलने लालपरी अर्थात एसटीने प्रवास केला. यानंतर त्याने व्हिडीओमध्ये त्याचं गावचं घर आणि कोकणातल्या निसर्गसौंदर्याची झलक नेटकऱ्यांना दाखवली. सध्या निखिलच्या या व्हिडीओवर कौतुकाचा वर्षाव करण्यात येत आहे.

हेही वाचा : ‘ठरलं तर मग’ फेम जुई गडकरीला तरुणीकडून धमकी; स्क्रीनशॉट शेअर करत अभिनेत्री म्हणाली, “आता थेट पोलीस…”

“खरा कोकणी माणूस”, “जमिनीवर पाय असलेला आमचा चिपळूणकर हिरो”, “भावा खूप मोठा हो”, “बने भाऊ तुम्ही किती साधे राहता”, “तुम्ही एवढे साधेपणाने राहणारे असाल, असं खरंच वाटलं नव्हतं”, “साधे सरळ सोपे जीवन” अशा कमेंट्स करत नेटकऱ्यांनी निखिलचं भरभरून कौतुक केलं आहे. तसेच यापुढे सुद्धा असेच व्हिडीओ शेअर करत जा, आम्हालाही तुझ्या गावी यायचंय अशी मागणी त्याच्या अनेक चाहत्यांनी या व्हिडीओद्वारे केली आहे.