‘महाराष्ट्राची हास्यजत्रा’ हा छोट्या पडद्यावरील कार्यक्रम घराघरांत लोकप्रिय आहे. या कार्यक्रमातील सर्वच कलाकार कायम चर्चेत असतात. या कार्यक्रमातून प्रसिद्धीझोतात आलेल्या अभिनेत्री प्रियदर्शनी इंदलकरने मराठी कलाविश्वात आपली वेगळी ओळख निर्माण केली आहे. सध्या तिने सोशल मीडियावर शेअर केलेला फोटो चांगलाच चर्चेत आला आहे.
हेही वाचा : “पेइंग गेस्ट, भाड्याचं घर ते स्वतःचं घर”, ‘रात्रीस खेळ चाले’ फेम शेवंताने मुंबईत घेतलं हक्काचं घर; पाहा फोटो
प्रियदर्शनी सोशल मीडियावर प्रचंड सक्रिय असते. अभिनेत्रीने इन्स्टाग्रामवर नुकताच एका प्रसिद्ध मराठी अभिनेत्यासह फोटो शेअर केला आहे. हा फोटो नेमका कशासाठी काढलाय? याबद्दल काहीच माहिती न देता तिने केवळ “गेस व्हॉट” असं कॅप्शन तिने दिलं आहे. त्यामुळे या फोटोची सध्या चांगलीच चर्चा रंगली आहे.
प्रियदर्शनी शेअर केलेल्या फोटोमध्ये दिसणारा अभिनेता दुसरा तिसरा कोणी नसून संतोष जुवेकर आहे. या फोटोमध्ये दोघांचाही वेगळा आणि जुन्या काळातील लूक पाहायला मिळत आहे. त्यामुळे हा फोटो अभिनेत्रीने कशासाठी शेअर केलाय? याबाबत चाहत्यांमध्ये उत्सुकता निर्माण झाली आहे.
दरम्यान, प्रियदर्शनी इंदलकर आणि संतोष जुवेकरच्या फोटोवर चाहत्यांनी असंख्य प्रतिक्रिया दिल्या आहेत. नेटकऱ्यांनी या फोटोवर ‘नव्या चित्रपटाची सुरुवात’, ‘नवीन चित्रपट येणार का?’, ‘नेमकं काय सुरु आहे?’ अशा कमेंट्स केल्या आहे.
